ەڭ داۋلى زاڭ جوبالارى بۇگىننەن باستاپ كۇشىنە ەنەدى
دەپۋتاتتار ءبىراۋىزدان ماقۇلداعان سول ەرەجەلەر ەندى 1- قاڭتاردان باستاپ ءوز كۇشىندە.
ءماجىلىستىڭ جالپى وتىرىسى وتەتىن زالدا تالاي داۋ تۋدىرعان زاڭ جوبالارى تالقىعا ءتۇستى. حالىق قالاۋلىلارى باسىندا قارسىلىق تانىتقانىمەن، جەمە- جەمگە كەلگەندە ۇكىمەتتىڭ شۋلى باستامالارىن قابىلداپ جىبەردى. ءدال وسى دەپۋتاتتار بەكىتكەن اكىمشىلىك كودەكسكە ساي، ەندى كوشەدە ادامداردىڭ مازاسىن الاتىن قايىرشىلارعا 10 مىڭ تەڭگە ايىپپۇل سالىنباق.
ۆلاديسلاۆ كوساريەۆ، ءماجىلىس دەپۋتاتى:
- بۇل اقىماقتىق. قاڭعىباسقا قالاي ايپپۇل سالۋعا بولادى؟ سۇمدىق قوي بۇل.
كوساريەۆتىڭ ايعايى ەشتەڭەنى شەشپەيدى. 1- قاڭتاردان تۇرعىندار قاي قالادا جۇرسە دە، مىندەتتى تۇردە تىركەۋگە تۇرۋى مىندەت. باسپاناسى بولماسا، جۇمىس ىستەيتىن جەرىندە تىركەۋگە تۇرۋى ءتيىس. زاڭدا بەلگىلەنگەن مەرزىمدە تۇراقتى مەكەن تاۋىپ ۇلگەرمەگەندەر ايىپپۇل تولەيدى. سونداي- اق، اتىشۋلى «جول ءجۇرۋ ەرەجەسى» تۋرالى زاڭ دا كۇشىنە ەندى. وندا كىشىگىرىم ەرەجە بۇزعانى ءۇشىن دە، ايىپپۇل كولەمى ەكى ەسە ءوسىپ وتىر. ماسەلەن ەندىگىدە كولىكتە بالا وتىراتىن ارنايى ورىندىقتىڭ بولۋى جانە كولىك شامىنىڭ كۇندى- ءتۇنى قوسۋلى تۇرۋى مىندەتتى.
جاڭادان قولدانىسقا ەنەتىن قىلمىستىق كودەكس پوليتسيا قىزمەتكەرلەرىنە دە قيىندىق تاۋىپ بەردى. ەندىگى جىلدان باستاپ ءتارتىپ ساقشىلارى پوليگراف اپپاراتىمەن تەكسەرىلىپ تۇرماق. «پارا الاسىڭ با؟»، «قىلمىستى جاسىرمايسىڭ با؟» دەگەن سۇراقتارعا ءتارتىپ ساقشىلارىنىڭ وزدەرى جاۋاپ بەرەتىن بولادى. سونداي- اق، جاڭا قىلمىستىق كودەكس بويىنشا اسكەرگە بارۋدان باس تارتقاندار 3 جىلعا دەيىن باس بوستاندىعىنان ايرىلماق.
- ءبىز تىزبەلەپ شىققان جاڭا زاڭداردى ورىنداۋدان باسقا جول جوق سەكىلدى. ايتپەسە، قالتاڭىز قاعىلىپ قىپ- قىزىل شىعىنعا باتاسىز. ارينە، بۇل شەنەۋنىكتەر ءۇشىن ءتيىمدى شىعار، بيۋدجەتتىڭ كىرىسى مولايادى. الايدا، ساراپشىلار زاڭ قاتايتىلىپ ايىپپۇل كولەمى وسكەنىمەن، ول ماسەلەنى تۇبەگەيلى شەشەدى دەگەنگە سەنىمسىزدىكپەن قارايدى. ايتپاقشى، ەكى كۇننەن كەيىن ەۋرازيالىق ەكونوميكالىق وداق ءوز جۇمىسىن باستايدى. كەلەر جىلدىڭ باستى جاڭالىعى دا وسى بولعالى تۇر.
KTK
