بايان ەسەنتايەۆا جاڭا جىلدان كەيىن كاستينگ وتكىزەدى

استانا. قازاقپارات - تانىمال پروديۋسەر بايان ەسەنتايەۆا 2015-جىلى تاعى ءبىر شىعارماشىلىق جوبانى جۇزەگە اسىرادى، سول ءۇشىن جاڭا جىلدان كەيىن كاستينگ ۇيىمداستىرادى، - دەپ حابارلايدى Tengrinews.kz ءتىلشىسى ەسەنتايەۆانىڭ Instagram-داعى پاراقشاسىنا سىلتەمە جاساپ.

«كورىكتىلەر! تالانتتىلار! سىمباتتىلار! جەزتاڭدايلار! جاقىندا كاستينگ وتكىزەمىن! ەكى ادامنىڭ ارمانىن جۇزەگە اسىرۋىنا مۇمكىندىگى بار! مەن كەز كەلگەن ادامدى جۇلدىزعا اينالدىرا الامىن، ءبىراق ەندى تۇڭىلگىم كەلمەيدى! ءوزىن ەڭ اتاقتىلاردىڭ ورنىنا لايىقتىمىن دەپ ەسەپتەيتىندەردى عانا كۇتەمىن!!! دەمالىستان مول كۇش جيناپ، سەرگىپ الىپ، سىزدەردى كۇتەتىن بولامىن!!!»، - دەپ جازدى ول.

سونىمەن قاتار، بايان ەسەنتايەۆا ءوزىنىڭ جازىلۋشىلارىن كەلە جاتقان جىلمەن قۇتتىقتادى. «جازىلۋشىلارىمنىڭ بارلىعىن كەلە جاتقان جاڭا جىلمەن قۇتتىقتايمىن! سىزدەرگە بار جاقسىلىقتى تىلەيمىن، تىلەكتەرىڭىز ورىندالسىن!»، - دەپ جازدى ەسەنتايەۆا.