جاپون سوعىسىنا قاتىسقان سوعىس ارداگەرلەرىنە ەلباسى قۇتتىقتاۋى جەتكىزىلدى - قىزىلوردا وبلىسى

قىزىلوردا. قازاقپارات - جىل ساناپ قاتارى سيرەپ بارا جاتقان قاريالارعا قۇرمەت كورسەتىپ، قاستەرلەۋ - بۇگىنگى ۇرپاقتىڭ پارىزى. جاڭا جىل قارساڭىندا مەملەكەت باسشىسى ۇلى وتان سوعىسى ارداگەرلەرىن ارنايى قۇتتىقتادى، زور دەنساۋلىق تىلەدى، سىي- قۇرمەت كورسەتتى.

وسى ورايدا، ەلباسىنىڭ ىستىق ىقىلاس سالەمىن جەتكىزۋ ءۇشىن، شيەلى اۋدانىنىڭ اكىمى قايراتبەك سارسەنبايەۆ سوعىس ارداگەرلەرىنىڭ وتباسىلارىندا بولىپ، ولارعا سىي- سياپات جاسادى.

اۋدانداعى جاپونيا، ستالينگراد شايقاستارىنا قاتىسقان ارداگەرلەر باقان دۇيسەنوۆ، ماحانبەت تورەشوۆتەر ءوز كەزەگىندە ەلباسىمىزعا ريزاشىلىقتارىن ءبىلدىرىپ، ونىڭ جۇرگىزىپ جاتقان سىندارلى ساياساتىنا ساتتىلىك، ال ەلىمىزدە تەك بەيبىتشىلىك بولۋىن تىلەدى.