مادەنيەت جانە سپورت مينيسترلىگى ق ر پرەزيدەنتىنىڭ اكسياسىنا قوسىلدى
ق ر م س م سپورت جانە دەنە شىنىقتىرۋ ءىسى جونىندەگى كوميتەت ق ر پرەزيدەنتىنىڭ ۇ و س ارداگەرلەرىن قولداۋدىڭ جالپى ۇلتتىق اكسياسىنا قوسىلدى.
دميتري پەتروۆيچ ەكى سوعىستىڭ قاتىسۋشىسى - ۇلى وتان سوعىسى مەن ورىس- جاپون سوعىسى. وسى قيىنشىلىقتاردى ول فيزيكالىق دايىندىعى مەن قايراتتىلىعىنىڭ ارقاسىندا ارتتا قالدىردى. سوعىستان كەيىن دە ول دەنساۋلىعىن ارتتىرىپ، سپورتپەن اينالىستى، جەڭىل اتلەتيكا مەن شاڭعى سپورتى بويىنشا قازاقستان رەسپۋبليكاسىنىڭ چەمپيونى اتاندى.
40 جاسىندا ول شاڭعى سپورتى بويىنشا ك س ر و سپورت شەبەرى اتاندى.
د. كوماروۆ ءوزىنىڭ سپورت قىزىمەتىمەن قوعامعا ايتارلىقتاي ۇلەسىن قوستى. ول قايسارلىعى مەن جىگەرلىگىن، وتانىنا دەگەن ماحابباتىن قاندى قىرقىستىڭ ورتاسىندا ءجۇرىپ، ونى جەڭۋ ارقىلى كورسەتتى.
سپورت جانە دەنە شىنىقتىرۋ كوميتەتى ءتوراعاسىنىڭ ورىنباسارى اسقار ەسىموۆ ارداگەردى جاڭا جىلمەن قۇتتىقتاپ، زور دەنساۋلىق، ۇزاق ءومىر تىلەدى.
سوعىس ارداگەرى قازاقستان پرەزيدەنتىنە ءتىل مەن سوعىس ارداگەرلەرىنە كورسەتىپ جاتقان قۇرمەتى ءۇشىن العىس ءبىلدىردى. كەلەسى جىلى ءبىزدىڭ ەل ۇلى جەڭىستىڭ 70 جىلدىعىن تويلايدى. ارداگەر قيىن-قىستاۋ كەزەڭدى ەسىنە الىپ، قازىرگى بەيبىت ومىردە ءسۇرىپ جاتقانىمىز ەلباسى نۇرسۇلتان نازاربايەۆتىڭ ەڭبەگى ەكەندىگىن ايتتى، دەپ حابارلادى ۆەدومستۆونىڭ باسپا ءسوز قىزمەتى.
