07:52, 31 - جەلتوقسان 2014 | GMT +5
تىشقاننىڭ كەسىرىنەن ۇشاق التى ساعاتقا كەشىكتى
استانا. قازاقپارات - مادريدتەن دوحا (كاتار) قالاسىنا ۇشۋى ءتيىس بولعان Qatar Airways اۋە كومپانياسىنىڭ ۇشاعى ونىڭ ىشىندە تىشقاننىڭ تابىلعانى سالدارىنان التى ساعاتقا كەشىكتىرىلدى.
جولاۋشىلار كەمىرگىشتى كوپ ۇزاماي دوحاعا ۇشىپ شىعۋى ءتيىس بولعان Boeing 777-400 اۋە كەمەسىنىڭ يسپانيا استاناسىنا قونار كەزدە بايقاپ قالعان. ۇشاقتىڭ قونار كەزىندە تىشقان جولاۋشىلار وتەتىن جەرگە شىعىپ، ادامداردى شوشىتىپ جىبەردى. جولاۋشىلار شىققان سوڭ، سالون ءىشى زيانكەستەرگە قارسى دارىلەنەدى. سالدارىنان كاتارعا ۇشاتىن رەيس التى ساعاتقا كەشىكتىرىلدى، دەپ جازادى Lenta.ru.
بولعان وقيعانىڭ سالدارىنان كوپتەگەن جولاۋشىلار تايلاند، سينگاپۋر جانە باليگە تۇيىستىرىلگەن رەيستەرگە كەشىكتى. اۋە كومپانياسىنىڭ وكىلى جولاۋشىلارعا بارلىق كۇتپەگەن شىعىندارىن وتەۋگە ۋادە بەردى.
