مالايزيالىق ۇشاق اپاتىنان اجال قۇشقانداردىڭ دەنەلەرى سۋرابايا قالاسىنا جەتكىزىلدى
ۇشاق جولاۋشىلارى مەن ەكيپاج مۇشەلەرىنىڭ تۋىستارىنان قازا تاپقانداردى سايكەستىك بەلگىلەرى بويىنشا انىقتاۋ ءۇشىن د ن ك سىنامالارىن بەرۋ سۇرالدى.
ەستەرىڭىزگە سالا كەتەيىك، اۋە ديسپەتچەرلىك قىزمەتى مالايزيانىڭ Air Asia اۋە كومپانياسىنىڭ يندونەزيالىق سۋرابايا قالاسىنان سينگاپۋرگە ۇشىپ شىققان ۇشاعىمەن بايلانىستى 40 مينۋتتان كەيىن جوعالتىپ العان.
يندونەزيالىق ىزدەستىرۋ وپەراتسيالارىنىڭ جەتەكشىسى بامبانگ سۋليستيو ازىرگە جەتى ادامنىڭ دەنەسى تابىلعانىن ءمالىم ەتتى. ىزدەستىرۋ جۇمىستارى جۇرگىزىلىپ جاتقان ايماقتا قاتتى جەل تۇرىپ، كۇشتى تولقىندار وعان كەدەرگى كەلتىرۋدە.
سۋرابايادا اتالمىش ۇشاق اپاتىنان قازا تاپقانداردى ەسكە الۋعا وراي قارالى شارالار ۇيىمداستىرىلادى. شىعىس ياۆا پوۆينتسياسىنىڭ گۋبەرناتورى بارلىق جاڭاجىلدىق شارالاردىڭ وتكىزىلمەيتىنىن ايتتى.
ازىرگە اپاتتىڭ ورىن الۋ سەبەپتەرى بەلگىسىز. ۇشاقتىڭ سىنىقتارى مەن وپات بولعانداردىڭ دەنەلەرى بورنەو پروۆينتسياسىنداعى پانگكالانبۋنادان وڭتۇستىك- باتىسقا قاراي كاريمات بۇعازىنان تابىلدى.
اۋە كولىگىنىڭ ىشىندە 162 ادام بولعان، ولاردىڭ اراسىندا كورەيا رەسپۋبليكاسىنىڭ ءۇش ازاماتى، ءبىر سينگاپۋرلىق ازامات جانە مالايزيانىڭ ءبىر تۇرعىنى بولعان، قالعان 157 سى - يندونەزيانىڭ ازاماتتارى.
