قاراعاندى وبلىسىنىڭ بۇرىنعى اكىمى ب. ابدىشەۆكە قاتىستى شىعارىلعان سوت قاۋلىسىنداعى جىبەرىلگەن قاتە تۇزەتىلدى
بۇل تۋرالى وبلىستىق سوتتان حابارلادى.
«قاتە كەتۋ سالدارىنان قاۋلىدا ق ر ق ك- نىڭ 207-بابىنىڭ 4-تارماعى «جالعان تولەم كارتوچكالارىن جانە وزگە دە تولەم جانە ەسەپ ايىرىسۋ قۇجاتتارىن دايىنداۋ نەمەسە وتكىزۋ» كورسەتىلگەن. ال ىسكە قاتىستى دالەلدى بولىمدە ق ر ق ك-نىڭ 307-بابى كورسەتىلگەن»، - دەلىنگەن وبلىستىق سوتتىڭ رەسمي تۇسىندىرمەسىندە.
مۇنداي جاعدايدا ق ر قىلمىستىق-پروتسەسسۋالدىق كودەكسىنىڭ 422-بابىنىڭ 10- بولىمىنە سۇيەنۋ كەرەك ەكەنى اتاپ وتىلەدى.
«2014 - جىلدىڭ 31 - جەلتوقسانىندا سۋديا جۇماباي ابىشيەۆ جىبەرىلگەن قاتە تۇزەتىلىپ جازىلعان قوسىمشا قاۋلى شىعاردى»، دەلىنگەن حابارلامادا.
وبلىستىق سوتتا اتالىپ وتكەندەي، قىلمىستىق ىستەر بويىنشا اپەللياتسيالىق سوت القاسى قىزمەتتىك وكىلدىگىن اسىرا پايدالانعانى ءۇشىن ايىپتالىپ وتىرعان ب. ابدىشەۆكە قاتىستى ءبىرىنشى ينستانسيالىق سوتتىڭ قاماۋعا الۋ تۇرىندەگى بۇلتارتپاۋ شاراسىن ءتورت ايعا دەيىن سوزۋ تۋرالى قاۋلىسىن ءوز كۇشىندە قالدىرعان.
بۇرىن حابارلانعانداي، ب. ابدىشيەۆتىڭ قامالۋ مەرزىمى 2015 - جىلدىڭ 23 - قاڭتارىنا دەيىن سوزىلادى.
ەستەرىڭىزگە سالا كەتەيىك، قاراعاندى وبلىسىنىڭ بۇرىنعى اكىمىنە ق ر ق ك- نىڭ 307-بابىنىڭ 4-ءبولىمى - «اۋىر زارداپتارعا اكەلىپ سوقتىرعان قىزمەتتىك وكىلەتتىگىن اسىرا پايدالانۋ» بويىنشا ايىپ تاعىلدى.
تەرگەۋ نۇسقاسى بويىنشا، ابدىشەۆ جاياۋجول پليتكاسىن جاساۋمەن اينالىساتىن «ەۋروستاندارت قاراعاندى» ج ش س زاۋىتىنىڭ مۇددەلەرىن كوزدەگەن. ءىستىڭ ماتەريالدارىنا سايكەس، كاسىپورىن ونىڭ تانىسىنىڭ اتىنا راسىمدەلگەن.
2012 - جىلدىڭ قاڭتارى مەن مامىر ايىندا «ەۋروستاندارت قاراعاندى» ج ش س مەن «مادەنيەت، دەمالىس جانە گۇلزارلار ساياباقتارى باسقارماسى» ك م ك اراسىندا جاسالعان كەلىسىمشارتتار سوماسى 1,2 ميلليارد تەڭگەدەن اسىپ كەتكەن.
ەستەرىڭىزگە سالا كەتەيىك، ب. ابدىشيەۆ قاراعاندى وبلىسىنىڭ اكىمى بولىپ 2013 - جىلدىڭ قاڭتارىندا تاعايىندالدى. 2014 - جىلدىڭ ماۋسىم ايىندا ول ءوز ءوتىنىشى بويىنشا وتستاۆكاعا جىبەرىلدى.
