قازاقستاندا كاسىپكەرلىكتى تەكسەرۋدىڭ جاڭا تۇرلەرىن ەنگىزبەك

استانا. قازاقپارات - قازاقستاندا كاسىپكەرلىكتى تەكسەرۋدىڭ بالاما تۇرلەرىن ەنگىزۋ جوسپارلانۋدا.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قر ۇلتتىق ەكونوميكا مينيسترلىگى تۇتىنۋشىلار قۇقىعىن قورعاۋ كوميتەتىنىڭ ءتوراعاسى ءالياقپار ماتىشەۆ ءمالىم ەتتى.

ونىڭ ايتۋىنشا، كاسىپكەرلىك قىزمەت ءۇشىن جاعدايلاردى تۇبەگەيلى جاقسارتۋ ماسەلەلەرى بويىنشا زاڭنىڭ قابىلدانۋىمەن تەكسەرۋلەر نىسانداردىڭ تاۋەكەلدەر دارەجەسىن باعالاۋ كريتەرييلەرىن ەنگىزۋ نەگىزىندە جۇرگىزىلەتىن بولادى.

«2015 -جىلى تەكسەرۋ جۇرگىزۋدىڭ بالامالى تۇرلەرىن ەنگىزۋ جوسپارلانۋدا»، - دەدى ول.

ءا. ماتىشەۆتىڭ سوزىنە قاراعاندا، بىرىنشىدەن، سانيتاريالىق-ەپيدەميولوگيالىق اۋديتتى - حالىقتىڭ سانەپيدەميالىق سالاۋاتتىلىعى سالاسىنداعى زاڭناما تالاپتارىن ساقتاۋدىڭ تاۋەلسىز ءاۋديتى جۇرگىزىلمەك. ەكىنشىدەن، وندىرىستىك باقىلاۋ ەنگىزۋ جوسپارلانىپ وتىر.

ونىڭ پايىمىنشا، سۋبەكتىلەردىڭ تەكسەرۋلەردىڭ اتالعان بالامالى تۇرلەرىن قابىلداۋى تۇتىنۋشىلاردىڭ قۇقىقتارىن قورعاۋ ورگاندارى تاراپىنان تەكسەرۋدى بولدىرماۋعا مۇمكىندىك بەرەدى. وسىلايشا، 2015 -جىلعى ەكىنشى جارتىجىلدىققا تەكسەرۋ جۇرگىزۋ كەستەسىن قۇرعانعا دەيىن باقىلاۋ سۋبەكتىلەرىندە اتالعان ىنتالاندىراتىن كومپونەنتتەردى ەنگىزۋ مۇمكىندىگى بار.

اۆتور: مارلان جيەمباي