جوعالعان ۇشاقتى ىزدەستىرۋ كەزىندە ادام مۇردەسى تابىلدى

استانا. قازاقپارات - ىزدەستىرۋ شارالارى بارىسىندا كاليمانتان ارالىنان باتىس جاقتا А320-200 ۇشاعىنىڭ جولاۋشىسى بولۋى مۇمكىن ادامنىڭ ءمايىتى، قۇتقارۋ جيلەتى، جۇك جانە ۇشاقتىڭ بولشەكتەرى تابىلدى.

 بۇل تۋرالى سەيسەنبى كۇنى يندونەزيالىق ب ا ق حابارلادى.

 وسىعان دەيىن حابارلانعانداي، يندونەزيانىڭ اسكەري- اۋە كۇشتەرى ۇشاقتىڭ قاناتىن تاپقان. ول جوعالعان لاينەرگە تيەسىلى دەگەن بولجام بولعان. ۇشاق قاناتىنا ۇقساس زات كاليمانتان (بورنەو) ارالىندا تابىلعانى اتاپ ءوتىلدى. وزگە دە ءىرى نىساندار تابىلدى. ولار ۇشاق سوڭعى رەت راداردان كورىنگەن جەردەن شامامەن 10 شاقىرىم جەردەن تابىلعانى حابارلاندى.

 اۆستراليالىق اۆياتسيالىق ساراپشى نيل حەنسفورد لاينەردىڭ جوعالۋىنا ادام فاكتورى سەبەپ بولۋى مۇمكىن دەگەن بولجام ايتادى، دەپ جازادى ت ا س س.