بيىلعى جىل ءبىز ءۇشىن قىزۋ جۇمىستار جۇرگىزىلگەن جىل بولدى - سولتۇستىك قازاقستان وبلىسىنىڭ اكىمى ەرىك سۇلتانوۆ
- ەرىك حامزا ۇلى، سولتۇستىك قازاقستان وبلىسى - ەلىمىزدەگى باستىق استىق ءوسىرۋشى ايماقتاردىڭ ءبىرى. الايدا وتكەن جىل ءبىزدىڭ ديقاندار ءۇشىن اۋا رايىنىڭ قولايسىزدىعىنا بايلانىستى وتە قيىن جىل بولدى. جانە سوعان بايلانىستى، وسىنداي قيىن جاعدايدان كەيىن ديقاندار 2015 - جىلعى ەگىس ناۋقانىن قالاي جۇرگىزەدى؟
- ءيا، شىنىندا اۋا رايى قولايسىز بولدى. بىزدە نەبارى 15 كۇن بولدى. الايدا بارىمىزگە ول ءۇشىن كەمىندە 25 - 30 كۇن كەرەك ەكەنى بەلگىلى. ءبىزدىڭ دايىندىعىمىز ايتارلىقتاي جاقسى بولدى. بىزدە جەلىدە 9,5 مىڭ كومباين بولدى، ولاردىڭ ىشىندە، 2,5 مىڭىنىڭ ونىمدىلىگى جوعارى. سۋىق ءارى جاڭبىرلى جاز ەگىننىڭ ءپىسۋىن كەشەۋىلدەتتى، ال قازاندا ۇزاققا سوزىلعان جاۋىندار قارعا جانە ايازعا ۇلاستى. بۇل فاكتورلار ەگىس دالاسىنداعى جۇمىستى قيىنداتتى، سوندا دا ەگىن وراعى ءتىپتى تومەنگى اۋا تەمپەراتۋراسىندا دا توقتامادى.
بارلىق قيىندىقتارعا قاراماستان، ءبىزدىڭ شارۋالار استىق القاپتارىنىڭ 97% ورىپ، 5 ميلليون توننادان استام استىق جينادى.
ال ەگىن ناۋقانىنا كەلەتىن بولساق، ءبىز دايىندىقتى باستاپ كەتتىك. ەگىس القاپتارىنا شامامەن 40 مىڭ بىرلىك تەحنيكا شىعادى. قاڭتاردا ءبىز بارلىق اۋدانداردا كەزدەسۋلەر وتكىزەمىز.
اۋا رايىنىڭ قولايسىزدىعىنا بايلانىستى ەگىن وراعى كەزىندە قاجەتتى مولشەردە تۇقىمدى الىپ قالا المادىق. اتالعان ماسەلەنى شەشۋ ءۇشىن فورۆاردتى جولمەن ساتىپ الۋ باعدارلاماسى جۇمىس ىستەيدى. ول تۇقىم الۋعا قارجىلاندىرۋدى قاراستىرىپ وتىر. بۇگىندە ۇيلەستىرۋ كەڭەسىمەن 34,6 مىڭ توننا تۇقىمعا جانە جالپى سوماسى 1,5 ميلليارد تەڭگەگە 131 ءوتىنىش قارالدى.
- بيىلعى جىلى يندۋستريالاندىرۋدىڭ وبلىستىق كارتاسى ايتارلىقتاي كەڭەيدى. جوبالار سانى العاشقى بەس جىلدىقتاعى سانىنان بىرنەشە ەسە اسادى. وسىنداي ساپالى وزگەرىسكە نە سەبەپ بولدى؟ جانە 2015 - جىلى يندۋستريالاندىرۋ كارتاسىنان ءبىز قانداي جوبالاردى ىسكە قوسامىز؟
- ەكىنشى بەس جىلدىققا بىزدە الدەقايدا اۋقىمدى مىندەتتەر جوسپارلانعان. يندۋستريالاندىرۋ كارتاسىنا 100 ميلليارد تەڭگەدەن استام سوماعا 70 تەن استام جوبا قوسۋ جوسپارلانۋدا. بۇل جوبالار سانى بويىنشا 2,5 ەسە جانە ينۆەستيتسيالار سوماسى بويىنشا ءبىرىنشى بەس جىلدىققا قاراعاندا 3 كوپ. كارتامەن وبلىستىڭ بارلىق اۋداندارى قامتىلادى.
ءبىرىنشى كەزەكتە، مۇنداي وڭ وزگەرىس جوبالارعا مەملەكەتتىك قولداۋدىڭ كورسەتىلۋىمەن تۇسىندىرىلەدى. سونىمەن بىرگە، اعىمداعى جىلى وبلىسقا ينۆەستورلاردى تارتۋ بويىنشا ۇلكەن جۇمىس اتقارىلدى.28 قاراشادا وتكەن حالىقارالىق ينۆەست- فورۋمنىڭ اياسىندا ينۆەستيتسيالىق ىنتىماقتاستىق تۋرالى جەتپىستەن استام كەلىسىم جاسالدى.
2015 - جىلى يندۋستريالاندىرۋ كارتاسىنىڭ اياسىندا وبلىستا جىلىنا 3,5 ميلليون كىرپىش وندىرەتىن زاۋىت پەن ەكى ديىرمەن كەشىنىن اشۋ، سونىمەن بىرگە، قىزىلجار اۋدانىنىڭ نوۆونيكولسكوە اۋىلىندا 2 مەگاۆاتتىق جەلدى- ەنەرگەتيكالىق قوندىرعىسىن ەنگىزۋ جوسپارلانۋدا
- س ق و اكىمىنىڭ سايتىندا جەكە بلوگىڭىز بار. ءسىزدىڭ جۇمىسىڭىزعا ول قانشالىقتى كومەكتەسەدى؟
- مەنىمەن تىكەلەي بايلانىسقا ماسەلەگە بەيجاي قارامايتىن ادامدار شىعادى. اي سايىن شامامەن 60-80 وتىنىشتەر مەن شاعىمدار تۇسەدى. مەن ولاردىڭ ءارقايسىسىن قارايمىن جانە ولاردىڭ جاۋابى سايتتا 3-4 كۇن ىشىندە جاريالانۋىن قاداعالايمىن.
ازاماتتاردىڭ وتىنىشتەرى مەن شاعىمدارى ايماق ومىرىندەگى بارلىق سالالار بويىنشا ماسەلەلەردى انىقتاپ، شەشۋگە كومەكتەسەدى. ولاردىڭ كوبى قۇرىلىس، ت ك ش، جول جوندەۋىنە قاتىستى. الەۋمەتتىك- مادەني سالانى دامىتۋ بويىنشا دا سۇراقتار از تۇسپەيدى. شاعىن جانە ورتا بيزنەستى دامىتۋ بويىنشا كەلىپ تۇسەتىن سۇراقتار ءبىزدىڭ ايماق حالقىنىڭ ىسكەرلىك بەلسەندىلىگىنىڭ ارتقانىن كورسەتەتىنىن ەرەكشە اتاپ وتكىم كەلەدى.
- ال ەندى جەكە ءوزىڭىز تۋرالى سۇراسام. ءسىز بوس ۋاقىتىڭىزدا نەمەن اينالىسقاندى ۇناتاسىز؟ سپورتقا قانشالىقتى كوڭىل بولەسىز؟ حوببيىڭىز بار ما؟
- جۇمىس كەستەسىنىڭ وتە تىعىز ەكەندىگىن ەسكەرسەك، بوس ۋاقىت وتە از. سوندا دا اراسىندا وزىڭە ازعانتاي دەمالىس جاساپ، وتباسىڭا كوڭىل ءبولىپ، جەكە جۇمىستارىما ۋاقىت تاباتىن كەزدەر بولادى. مەنىڭشە، ءاربىر ادامدا ءوزىنىڭ جانىنا جايلى بولاتىنداي ەرمەگى بولۋى كەرەك. مەن ءۇشىن ول - سپورت. جۇبايىم ەكەۋمىز ۇنەمى التى شاقىرىمعا دەيىن جۇگىرەمىز، ال دەمالىستا بىزگە بالالارىمىز قوسىلادى. قىستا وتباسىمىزبەن شاڭعى تەبەمىز.
سونىمەن بىرگە، مەن قىسقى سپورتتىڭ تاعى ءبىر ءتۇرى - حوككەيدىڭ جانكۇيەرىمىن. مەنىڭ سۇيىكتى كوماندام - ەلوردانىڭ «بارىسى». ولاردىڭ قاتىسۋمەن وتەتىن ماتچتاردى وتكىزىپ الماۋعا تىرىسامىن.
- 2014 - جىلدىڭ سوڭىنا دەيىن ساناۋلى كۇندەر قالدى. بۇل جىل قيىن بولدى، سونىمەن بىرگە ونىڭ اكەلگەن جەتىستىكتەرى دە از ەمەس. ەرىك حامزا ۇلى، كەلە جاتقان 2015 - جىلى سولتۇستىك قازاقستاندىقتارعا نە تىلەيسىز؟
- 2014 - جىل اياقتالىپ كەلەدى. ونى تاريح بەتتەرىندە قالدىرا وتىرىپ، ونىڭ ءبىز ءۇشىن قىزۋ جۇمىستار ۇلكەن جەتىستىكتەر جىلى بولعانىن ايتا الامىز.
ايماقتا وندىرىستىك كاسىپورىندار مەن وندىرىستىك تسەحتار ىسكە قوسىلىپ، تۇرعىن ۇيلەر مەن سپورت كەشەندەرى سالىندى. اۋرۋحانالار مەن مەكتەپتەر پايدالانۋعا بەرىلدى. جاڭا جۇمىس ورىندارى اشىلدى.
سولتۇستىك قازاقستاندىقتارعا، سونىمەن بىرگە بارشا وتانداستارىمىزعا جاڭا جىلدا مىقتى دەنساۋلىق پەن اماندىق تىلەيمىن. ءاربىر ۇيدە مولشىلىق بولسىن، ءاربىر وتباسىدا ماحاببات پەن ءوزارا تۇسىنىستىك بولسىن!
