پۋتين پارىزىن وتەدى

استانا. قازاقپارات - رەسەي پرەزيدەنتى ۆلاديمير پۋتين كەشە، 29- جەلتوقسان كۇنى ءۇش جانە ودان دا كوپ بالاسى بار ازاماتتارعا جەر ۋچاسكەسىنىڭ ورنىنا پاتەر بەرۋدى قاراستىراتىن زاڭعا قول قويدى، دەپ حابارلايدى ر ي ا «نوۆوستي».

قۇقىقتىق اقپاراتتار رەسمي ينتەرنەت-پورتالىندا جاريا ەتىلگەن قۇجات ءۇش جانە ودان دا كوپ بالاسى بار ازاماتتارعا جەر ۋچاسكەسىنە ايىرباس رەتىندە تەگىن باسپانامەن قامتاماسىز ەتەتىن بالامالى الەۋمەتتىك قولداۋ شاراسىن تاڭداۋ قۇقىعىن ۇسىنادى.

ايتا كەتەرلىگى، بيلىكتىڭ مۇنداي قادامعا بارۋىنا ماسكەۋ مەن پەتەربور قالاسىنىڭ ماڭىندا جەر ۋچاسكەلەرىنىڭ بولماۋىنا بايلانىستى كوپبالالى وتباسىلارعا جەر بەرۋ تۋرالى زاڭدى جۇزەگە اسىرۋ تىم كۇردەلەنىپ كەتۋى باستى سەبەپ بولىپ وتىر.

BNews.kz