09:45, 30 - جەلتوقسان 2014 | GMT +5
كەمەدەن شىققان ورتتەن بەس ادام قازا تاۋىپ، قالعاندارى قۇتقارىلدى
استانا. قازاقپارات - قۇتقارۋ جۇمىستارى قيىن جاعدايلاردا جۇرگىزىلدى. يتالياندىق پارومدا شىققان ورتتە بەس ادام قازا تاۋىپ، قالعاندارى قاۋىپسىز جەرگە شىعارىلدى.
ول گرەكتىڭ كورفۋ ارالىنىڭ ماڭىندا اپاتقا ۇشىراعان.
پاروم بورتىندا 478 ادام بولعان.
يتاليا پرەمەر- ءمينيسترى ماتتەو رەنتسي حابارلاعانداي، قۇتقارۋ جۇمىستارى اياقتالدى، پاروم بورتىندا ونىڭ كاپيتانى مەن 4 قۇتقارۋشى عانا قالدى.
گرەكيا رەسمي تۇلعالارىنىڭ حابارلاۋىنشا، ءبىر ادام جانىپ جاتقان كەمەدەن شىقپاق بولعان كەزدە قازا تاپتى. كەيىنىرەك سۋدان تاعى ءتورت ءمايىت شىعارىلدى.
قۇتقارۋ جۇمىستارى جەل مەن قويۋ تۇتىنگە قاراماستان ءتۇنى بويى جۇرگىزىلدى.
يتاليانىڭ سىرتقى ىستەر ءمينيسترى پاولو دجەنتيلوني قۇتقارۋ وپەراتسياسىنا قاتىسقان ەلدەردىڭ جۇمىسى جەتكىلىكتى ۇيلەستىرىلمەدى دەگەن بولجامدى جوققا شىعاردى.
«يتاليا، گرەكيا جانە البانيا بۇل وپەراتسيادا ءبىر- بىرىمەن كەلىسىپ جۇمىس ىستەۋدە»، - دەدى يتالياندىق س ءى م باسشىسى.
