تارازدا جالعان اقشا جاساپ كەلگەن ازامات ۇستالدى

استانا. قازاقپارات - تارازدا جالعان اقشا جاساپ، وڭاي ولجا تاۋىپ جۇرگەن 28 جاستاعى ازامات قولعا ءتۇستى. ول نومينالى 1000, 2000 جانە 5000 تەڭگەلىك بانكنوتتاردى كادىمگى سكانەر ارقىلى باسىپ كەلگەن.

كۇدىكتىنى وبلىستىق مەملەكەتتىك كىرىستەر دەپارتامەنتىنىڭ قىزمەتكەرلەرى قالاداعى پاتەردىڭ بىرىندە قۇرىقتادى. تەكسەرۋ كەزىندە نوۋتبۋك، پرينتەر، سكانەر جانە جالعان اقشانى كەسەتىن ارنايى قۇرال تابىلدى. سونداي-اق الماتى وبلىسى تۇرعىنىنىڭ 1000 تەڭگەلىك بانكنوتتان 1 ميلليون 578 مىڭ تەڭگە دايىنداپ قويعانى انىقتالدى.

باۋىرجان كومەكبايەۆ، وبلىستىق مەملەكەتتىك كىرىستەر دەپارتامەنتى باسقارماسىنىڭ باسشىسى: - قاراپايىم ازامات، سوندىقتان ونى تۇرعىنداردىڭ اجىراتۋى قيىن. ۇستالعان ازامات وتە جوعارى دەڭگەيدە دايىندالعان. تەرگەۋ قۇپياسىنا بايلانىستى بۇل ىسپەن قاي ۋاقىتتان بەرى اينالىسىپ جۇرگەنىن ايتا المايمىز. سونىمەن قاتار قانشا اقشا اينالىمعا شىعارىلعانى تەرگەۋ بارىسىندا انىقتالادى.

www.24.kz