قۇتقارۋشىلار جوعالعان ۇشاقتى قايتا ىزدەۋگە كىرىستى
30 - جەلتوقساندا ىزدەۋ جۇمىستارىنىڭ كولەمى كەڭەيتىلەدى. بۇدان بولەك، ۇشاقتى ىزدەۋ جۇمىستارى جاعادا دا جۇرگىزىلەدى. ۇشاقتى ىزدەۋ اۋدانى بەليتۋنگ ارالى مەن كاليمانتاننىڭ باتىس بولىگىنىڭ اراسىندا بەلگىلەنگەن.
قۇتقارۋ ءىس- قيمىلدارىن يندونەزيا باسقارۋدا. ىزدەۋ توبىنىڭ قۇرامىنا سونداي- اق مالايزيا، كورەيا رەسپۋبليكاسى جانە سينگاپۋر ەلدەرىنىڭ وكىلدەرى كىرەدى. جالپى العاندا ىزدەۋ شارالارىنا 30 كەمە مەن قايىق، سونداي- اق 15 ۇشاق جۇمىلدىرىلعان.
ايتا كەتەيىك، جەكسەنبى كۇنى AirAsia كومپانياسىنىڭ اۋە كەمەسى ۇشىپ شىققاننان ساتىنەن شامامەن 40 مينۋتتان سوڭ رادارلار نازارىنان جوعالدى، سول كەزدە ونىڭ كاليمانتان (بورنەو) ارالىنىڭ اۋدانىندا ۇشقانى شامالانادى. اۋە كومپانياسىنىڭ مالىمەتتەرىنشە، ۇشاقتىڭ ىشىندە 162 ادام: 155 جولاۋشى (سونىڭ ىشىندە 17 بالا) ، ەكى ۇشقىش، بورتينجەنەر جانە ءتورت جولسەرىك بولعان. جولاۋشىلاردىڭ ىشىندە 155 ادام - يندونەزيا تۇرعىندارى، ءۇش وڭتۇستىك كورەيالىق ازامات، ۇلى بريتانيانىڭ ءبىر تۇرعىنى، مالايزيانىڭ ءبىر ازاماتى جانە سينگاپۋر، فرانسيانىڭ ءبىر- ءبىر ازاماتتارى (ەكىنشىسى ۇشقىش) بولعان.
