ەل چەمپيوناتىندا بۇرىنعىشا «تاراز» الدا كەلەدى

استانا. قازاقپارات - ۆولەيبولدان ەرلەردىڭ ۇلتتىق ليگا كوماندالارى اراسىنداعى ەل بىرىنشىلىگىندە تاراز بەن حرومتاۋدا وتكەن ەكىنشى كىشى تۋردان كەيىن بۇرىنعىشا «تاراز» كومانداسى جەكە-دارا الدا كەلەدى.

تارازدىقتار ءوز الاڭىندا ەل چەمپيونى «الماتى»، «پاۆلودار» جانە وسكەمەننىڭ «شىعىس قورعاسىن قۇرىلىس» كومانداسىن جەڭىپ، سەگىز ۇپاي يەلەندى. ءسويتىپ ولار ۇپايلارىنىڭ جالپى سانىن 27 گە جەتكىزدى. الماتىلىقتار مەن وسكەمەندىكتەردى تىزە بۇكتىرگەن «پاۆلودار» 20 ۇپايمەن ەكىنشى ورىنعا جايعاستى. حرومتاۋدا بارلىق ءۇش كوماندانى دا ۇتىپ، سەگىز ۇپايدى ءوز ەسەبىنە جازعان «ت ن ك «كازحروم» كلۋبى بارلىعى 17 ۇپايمەن ءۇشىنشى ورىنعا كوتەرىلدى. «الماتى» مەن «اتىراۋ» 15 ۇپايمەن ءتورتىنشى-بەسىنشى ورىنداردى بولىسسە، بۇل كىشى تۋردا تەك «ەسىلدى» عانا ۇتقان «كوندەنسات- جايىق مۇناي» 14 ۇپايمەن التىنشى ساتىدا كەلەدى.

كەلەسى، ەكىنشى ۇلكەن تۋر ويىندارى پاۆلودار قالاسىندا 8-13- قاڭتار ارالىعىندا ءوتىپ، وندا بارلىق سەگىز كوماندا باس قوسادى.

اۆتور: ەلجان ەرالى