08:13, 30 - جەلتوقسان 2014 | GMT +5
شىركەۋ قىزمەتكەرى مۇسىلماندارعا العىسىن ءبىلدىردى
استانا. قازاقپارات - نيگەريانىڭ كادۋن شتاتىندا 200 گە جۋىق مۇسىلمان جاستاردان قۇرىلعان ەرىكتىلەر جاساعى حريستياندىق شىركەۋدى كۇزەتۋگە اتسالىستى. بۇل جايىندا جەرگىلىكتى پاستور يوحاننا بۋرۋ مالىمدەدى، دەپ حابارلادى muslim.kz.
ەۆانگەليستىك شىركەۋ قىزمەتكەرى مۇسىلمانداردىڭ «مەيىرىمى مەن جاناشىرلىعىنا» قاتتى تولقىعانىن ايتادى. ول ءوزىنىڭ دىندەس باۋىرلارىنا مۇسىلمانداردان ۇلگى الىپ، ەشقانداي ءدىن ارالىق نەمەسە ۇلت ارالىق ارازدىق تۋدىرماستان، بەيبىت ءومىر كەشۋگە شاقىردى.
ايتا كەتەيىك، وتكەن جىلى نيگەريا مۇسىلماندارى ءدىني عيماراتتارعا جاسالعان قاستاندىق شارالارى مەن لاڭكەستىك وقيعالار جيىلەپ كەتكەن تۇستا دا تۇراقتى تۇردە كۇزەت جۇمىسىن اتقارعان بولاتىن.
