الماتى وبلىسىندا ەكى شەتەلدىك ءبىر وتار قويدى ۇرلاپ ايداپ بارا جاتقاندا قولعا ءتۇستى
حابارلامادا اتاپ وتىلگەندەي، «ەڭبەكشىقازاق اۋداندىق ءى ءى ب- ىنە قىربالتاباي اۋىلىنىڭ تۇرعىنى بارىمتاشىلار ونىڭ شارۋا قوجالىعى اۋماعىنان 154 باس تاڭداما قويدى ۇرلاپ كەتكەنى تۋرالى شاعىمدانعان. فەرمەر شارۋاشىلىعىنا كەلگەن شىعىن 4 ميلليون 620 مىڭ تەڭگەدەن استام سومانى قۇرايدى»، - دەلىنگەن حابارلامادا.
قىربالتاباي اۋىلدىق وكرۋگىنىڭ ۋچاسكەلىك پوليتسيا ينسپەكورلارى بارىمتاشىلاردىڭ ىزىنە ءتۇسىپ، نۋ قامىستىڭ اراسىنان ەكى كۇدىكتى ەر ادامدى قولعا تۇسىرگەن. ولار قامىس اراسىنا جاسىرىلعان قويلاردى كورسەتتى. قازىرگى كەزدە ءبىر وتار قوي زاڭدى يەسىنە تاپسىرىلدى»، - دەلىنگەن حابارلامادا.
پوليتسەيلەر كۇدىكتى ادامداردىڭ اتى-ءجونىن انىقتادى، ولاردىڭ ەكەۋى دە الماتى قالاسىندا ۋاقىتشا تۇرىپ جاتقان بۇرىنعى كەڭەستىك رەسپۋبليكالاردىڭ ءبىرىنىڭ ازاماتتارى بولىپ شىققان.
تىركەلگەن فاكتى بويىنشا قىلمىستىق ءىس قوزعالدى. پوليتسيا ۇستالعان ادامداردىڭ باسقا دا وسى سيپاتتى قىلمىستارعا قاتىسى بار-جوعىن تەكسەرمەك.
