قۇربان ايتتى «كوڭىلدى قان قاساپ» دەپ اتاعان ايەل جازالاندى ما؟

استانا. قازاقپارات - مىسىر پروكۋراتۋراسى الەۋمەتتىك جەلىدە يسلامنىڭ نەگىزگى ۇستىندارىنىڭ بىرىنە ءتىل تيگىزگەن فاتيما ناۋت ەسىمدى جازۋشىسى ايەلدىڭ ۇستىنەن قىلمىستىق ءىس قوزعادى.

ول ۇستىمىزدەگى جىلدىڭ قازان ايىندا Facebook-تاعى ءوزىنىڭ پاراقشاسىندا قۇربان ايتتى «كوڭىلدى قان قاساپ!» دەپ اتاعان بولاتىن.

بۇل جايىندا Al Arabiya اقپارات كوزى حابار تاراتتى.

«قاندى قاساپ، مىنە، ون عاسىر بويى جالعاسىپ كەلە جاتىر جانە جىل سايىن ادامدار مۇنى شىمىرىكپەي، ەزۋلەرىنە كۇلكى ءۇيىرىلىپ ىستەيتىنىن قايتەرسىڭ. جىل سايىن قايتالاناتىن بۇل قاندى قاساپ پايعامبارلاردىڭ ءبىرىنىڭ ۇلىنا قاتىستى باستان كەشكەندەرى ءۇشىن ورىندالىپ كەلەدى. پايعامبار مەن ونىڭ ۇلىنىڭ ۋايىمى ارتتا قالعانىمەن جىل سايىن ءتورت تۇلىك وسىناۋ قاسيەتتى سۇمدىق ءۇشىن قۇربان بولادى»، - دەپ كوسىلگەن ەكەن ول.

50 جاستاعى ايەلگە قۇدايعا ءتىل تيگىزۋ بابى بويىنشا قىلمىستىق ءىس قوزعالدى. ايتا كەتۋ كەرەك، پيراميدالار ەلىنىڭ اتازاڭىندا يسلام، حريستيان جانە يۋدا دىندەرىنە ءتىل تيگىزۋگە تىيىم سالىنعان.

islam.kz