18:28, 29 - جەلتوقسان 2014 | GMT +5
استانا بويىنشا ورتاشا ايلىق جالاقى قانشا تەڭگە؟
الماتى. قازاقپارات - 2014 - جىلدىڭ قاراشا ايىندا ءبىر قىزمەتكەردىڭ ورتاشا ايلىق جالاقىسى 176587 تەڭگەنى قۇرادى.
بۇل كورسەتكىش قازان ايىنا قاراعاندا %4,1 عا، ناقتى كورىنىستە %3,3 عا ءوستى. ەڭبەك اقىداعى ايىرماشىلىقتار قىزمەتتىڭ ءتۇرلى سالالارىنداعى قىزمەتكەرلەرگە ءتان.
ەڭبەك اقىنىڭ ەڭ جوعارى شاماسى كاسىبي، عىلىمي جانە تەحنيكالىق قىزمەت ماماندارىندا - 335998 تەڭگە، ەڭ تومەنگى شاماسى اكىمشىلىك جانە قوسالقى قىزمەت كورسەتۋ قىزمەت سالاسىندا 103306 تەڭگە بولىپ بەلگىلەندى، دەپ حابارلايدى استانا قالاسىنىڭ ستاتيستيكا دەپارتامەنتى.
ءىرى جانە ورتا كاسىپورىندارداعى ورتاشا ايلىق جالاقى اعىمداعى جىلعى قاراشادا 179890 تەڭگەنى قۇرادى.
www.24.kz
