ماسكەۋ مەتروسىنىڭ جولاۋشىلارى قازاق تاريحىنا ءتانتى بولدى - فوتو

الماتى. قازاقپارات - ر ف استاناسى ماسكەۋ مەتروسىنداعى «ۆىستاۆوچنايا» ستانساسىندا «بەلگىسىز قازاقستان» فوتوكورمەسى اشىلدى.

بۇل تۋرالى ق ر تۇڭعىش پرەزيدەنتى قورىنىڭ باسپا ءسوز قىزمەتى حابارلادى.

شىعارماشىلىق جوبا قور تاراپىنان ۇيىمداستىرىلعان بايقاۋدا توپ جارىپ، اۆتورلارى گرانت ۇتىپ الدى.

جاس ماماندار توبى ەكى جىل بويى التاي مەن اتىراۋ، استانا مەن الماتى اراسىندا كوسىلىپ جاتقان قازاقتىڭ دارحان دالاسىنداعى تاريحي، مادەني ورىندار مەن قورىقتاردى ارالاپ، فوتوشەجىرە جيناقتادى.

ەكسپوزيتسيا بارىسىندا «Arkaiym» Neo-Ethno-Folk توبىنىڭ كومەكەي داۋىسپەن شىرقاعان تۋىندىسى ەستىلىپ تۇردى.

فوتوكورمە ءبىر اي بويى جالعاسپاق. كەلەر جىلى ەكسپوزيتسيا ا ق ش پەن ەۋروپا ەلدەرى مەترولارىندا ورنالاساتىن بولادى.

 

اۆتور: گۇلميرا عوسمانالي