يمانعالي تاسماعامبەتوۆ تاتارستان پرەزيدەنتىمەن اسكەري- تەحنيكالىق ىنتىماقتاستىقتى دامىتۋدىڭ پەرسپەكتيۆالارىن تالقىلادى - فوتو
كەزدەسۋدە ەكى جاقتى ىنتىماقتاستىقتىڭ كەڭ سپەكترى مەن ەكى ەل اراسىنداعى اسكەري- تەحنيكالىق ىنتىماقتاستىقتى دامىتۋدىڭ پەرسپەكتيۆالارى تالقىلاندى.
ق ر قورعانىس ءمينيسترى يمانعالي تاسماعامبەتوۆ: «ءبىز قازان اۆياتسيالىق زاۋىتىمەن ىنتىماقتاستىقتى كەڭەيتۋگە مۇددەلىمىز. بۇعان دەيىن اتالعان كاسىپورىننان دەسانتتىق- كولىكتىك Ми-17В5 تىكۇشاقتارىن ساتىپ العان ەدىك. قازىر وسى تىكۇشاقتاردى تەحنيكالىق سۇيەمەلدەۋ قاجەتتىلىگى تۋىنداپ وتىر. قازاقستان اۆياتسيا سالاسىنداعى تەحنيكالىق الەۋەتتى دامىتۋ شەڭبەرىندە اۆياتەحنيكاعا قىزمەت كورسەتۋ مەن جوندەۋ جۇمىستارىن جۇرگىزەتىن اۆياتسيالىق- تەحنيكالىق ورتالىقتىڭ قۇرىلىسىن باستادى»، - دەدى.
وسى جەردە ق ر قورعانىس مينيسترلىگىنىڭ قازاقستان اسكەرىن ءار ءتۇرلى موديفيكاتسياداعى كاماز اۆتوكولىكتەرىمەن جاراقتاندىرۋعا ارنالعان ۇزاق مەرزىمدى جوسپارى بارىن اتاپ وتكەن ءجون. قازاقستاندىق كاسىپورىنداردا جەكەلەگەن توراپتار مەن اگرەگاتتاردى (ەلەكتروندى اپپاراتۋرالار، رەزينالىق- تەحنيكالىق جانە شاناقتىق ونىمدەر، ارنايى جابدىقتار مەن وزگە دە جيىنتىقتار) ءوندىرىسىن يگەرۋدى جوسپارلاپ وتىر. بۇل ونىمدەر كەيىننەن «كاماز» اشىق اكسيونەرلىك قوعامىنىڭ قۇراستىرۋ زاۋىتتارىنا جەتكىزىلەتىن بولادى.
كەزدەسۋ قازاقستان مەن تاتارستان كاسىپورىندارىنىڭ مۇمكىندىكتەرى مەن قاجەتتىلىكتەرىن تولىق زەردەلەۋگە، سونداي- اق ارى قارايعى ىنتىماقتاستىقتىڭ ناقتى باعىتتارىن انىقتاۋعا مۇمكىندىك بەردى.
