الماتىدا جاڭا سۋ تازالاۋ ستانساسى پايدالانۋعا بەرىلدى

الماتى. قازاقپارات - الماتىدا جاڭا سۋ تازالاۋ ستانساسى اشىلدى. جاڭا نىساننىڭ اشىلۋىنا قالا باسشىسى احمەتجان ەسىموۆ، قالالىق ەنەرگەتيكا جانە كوممۋنالدىق شارۋاشىلىق باسقارماسىنىڭ وكىلدەرى قاتىستى.

 «بۇگىن مىنە قالامىزدىڭ سۋ جۇيەسىندە ەرەكشە وقيعا بولىپ جاتىر. سۋ تازالاۋ ستانساسى ىسكە كوسىلدى. بۇرىنعى ستانسا 1949 -جىلى تاپسىرىلعان بولاتىن. 65 جىلدا جاڭارتاتىن ۋاقىت تا كەلدى. 2 جىل بۇرىن شەشىم كابىلدانعان ەدى. 1 ميللياردقا جۋىق قارجى ۋاقىتىندا يگەرىلىپ، زامان تالابىنا ساي ستانسا ىسكە كوسىلدى. بۇل وڭتۇستىك استانانى تولىق سۋمەن قامتاماسىز ەتۋگە مۇمكىندىك بەرەدى»، - دەدى قالا باسشىسى احمەتجان ەسىموۆ.

جاڭا نىسان 1949 - جىلدان بەرى ۇزدىكسىز جۇمىس جاساپ كەلە جاتقان ستانسانىڭ 1 - كەزەگىن الماستىرادى. ۇزاق ۋاقىتتان بەرى تەحنيكالىق جاڭارتۋسىز جۇمىس جاساپ كەلە جاتقان ستانسانىڭ قۇرىلعىلارى ابدەن توزعان.

ستانسانىڭ وندىرىستىك قۋاتى وتە جوعارى. تاۋلىگىنە 125 مىڭ تەكشە مەتر سۋدى تازالاي الادى. پايدالى فيلتراتسيانىڭ كولەمى 600 تەكشە مەتر. تولىعىمەن اۆتوماتتاندىرىلعان.

پايدالانۋعا تاپسىرىلعان نىسان حالىققا بەرىلەتىن اۋىز سۋدىڭ ساپاسىن بىرنەشە ەسە جاقسارتۋعا مۇمكىندىك بەرمەك.

 سونىمەن قاتار، قالا باسشىسى «الماتى سۋ» م ك ك جۇمىسشىلارىنا وڭتۇستىك كورەيادا شىعارىلعان 15 جاڭا كولىكتىڭ كىلتىن تابىستادى.

زاماناۋي قۇرالدارمەن جابدىقتالعان جاڭا اۆتوكولىكتەر اپاتتى جاعدايدا سۋمەن قامتۋ قىزمەتكەرلەرىنە جىلدام ارەكەت ەتۋگە مۇمكىندىك بەرمەك.

اۆتور: گۇلميرا عوسمانالي