ءسابينا التىنبەكوۆا شياڭگاڭعا اتتاندى - فوتو
بۇعان قوسا، شياڭگاڭدا 18 جاستاعى سپورتشى جەرگىلىكتى تانىمال جۇلدىزدارمەن جانە ءوزىنىڭ تابىنۋشىلارىمەن كەزدەسەدى. « شياڭگاڭعا بارۋدى جوسپارلاپ وتىرمىن. ساپارىمنىڭ ماقساتى - ويىنشىلارمەن تاجىريبە الماسۋ. مەن ۆولەيبولشىلارمەن كەزدەسەمىن، كوماندامىزبەن جالپى جاتتىعۋ بولادى. تانىمال ادامدارمەن جانە، ارينە، مەنىڭ سۇيىكتى ءىسىم - فاناتتارمەن كەزدەسۋ بولادى»، - دەدى ءسابينا التىنبەكوۆا. ۆولەيبولشى جاڭا جىلدى تۇڭعىش رەت اقتوبەدە ەمەس، شەتەلدە قارسى العالى وتىر.
التىنبەكوۆا 2015-جىلى سپورتقا كوپ ۋاقىت ارناعالى وتىر، وقۋعا دا ءبىراز ۋاقىت بولەتىن بولادى. «مەن ءۇشىڭ ەڭ ماڭىزدىسى - سپورت، سپورتپەن شۇعىلدانۋدى جالعاستىرامىن. مەنىڭ ماقساتتارىم سپورتقا، ءبىلىم الۋعا جانە وتباسىما قاتىستى. مەن قازاق ۇلتتىق ۋنيۆەرسيتەتىنىڭ بيولوگيا جانە بيوتەحنولوگيا فاكۋلتەتىنىڭ ءبىرىنشى كۋرسىندا وقيمىن»، - دەدى جاس سپورتشى. ۋنيۆەرسيتەتتى ءتامامداعان سوڭ سابينا التىنبەكوۆا «حالىقارالىق قاتىناستار» ماماندىعى بويىنشا ماگيسترلىك دارەجە الۋدى جوسپارلايدى.
ەسكە سالا كەتەيىك، ءسابينا التىنبەكوۆا ۆولەيبولدان ازيا چەمپيوناتى كەزىندە كوزگە ءتۇسىپ، تانىمال اتانعان ەدى. جاس سپورتشى قىز قىتايدىڭ الەۋمەتتىك جەلىلەرىندە جۇلدىزعا اينالدى. جانكۇيەرلەر ونى جاپون انيمەسى كەيىپكەرلەرىنە تەڭەدى. ۆولەيبولشى فاناتتارىنان كۇن سايىن كوپ سىيلىق الا باستادى، ونىڭ الەۋمەتتىك جەلىدەگى وقىرماندارىنىڭ قاتارى 350 مىڭنان استى.
