جوعالىپ كەتكەن مالايزيالىق ۇشاقتى ىزدەستىرۋ جۇمىستارى قايتا جانداندى
جەكسەنبى كۇنى تۇندە ىزدەستىرۋ وپەراتسياسى توقتاتىلعان ەدى.
ىزدەستىرۋ جۇمىستارىن يندونەزيا باسقارادى. جوعالعان اۆيالاينەردى ىزدەۋگە 12 كەمە، ءۇش تىكۇشاق، بەس اسكەري ۇشاق تارتىلدى. وپەراتسياعا مالايزيالىق ءا ءا ك س-130 ۇشاعى، ءۇش كورابل، سينگاپۋردىڭ س-130 ۇشاعى قاتىسۋدا.
اۆستراليا ىزدەۋ جۇمىستارىنا AP-3C كولىگىن جىبەردى. «ۇشاق ىزدەستىرۋ- قۇتقارۋ وپەراتسيالارىن جۇرگىزۋ سالاسىندا جوعارى كورسەتكىشكە يە. تەڭىزدىك ىزدەستىرۋ رادارىمەن، ۆيزۋالدىق باقىلاۋ ءۇشىن ينفراقىزىل، وپتيكالىق اسپاپتارمەن جاراقتالعان»، - دەپ مالىمدەدى اۆستراليالىق ءا ءا ك باس قولباسشىسى مارشال مارك بينسكين. سونىمەن قاتار، ا ق ش- تا كومەك كورسەتۋگە دايىن ەكەندىكتەرىن مالىمدەدى.
يندونەزيادا سينگاپۋرعا QZ8501 رەيسىمەن باعىت العان Airbus-320-200 ۇشاعى جەرگىلىكتى ۋاقىت بويىنشا ساعات 06:17-دە (ماسكەۋ بويىنشا 02:17)، ۇشقىش سوڭعى رەت ديسپەتچەردەن مارشرۋت وزگەرتۋگە رۇقسات سۇراعاننان كەيىن رادار ەكرانىنان عايىپ بولدى.
يندونەزيالىق ب ا ق ۇشاق مۇحيتقا قۇلاعانىن، سول جەردەن سىنىقتارى تابىلعانىن حابارلادى. اۆياكومپانيانىڭ حابارلاۋىنشا، پيلوت تۋربۋلەنت اعىسى كۇشتى بولۋىنا بايلانىستى باعىتتى وزگەرتۋدى سۇراعان. مالايزيا كولىك مينيسترلىگىنىڭ ساراپشىلارى جاڭا مارشرۋتقا اۋىسقان ۇشاققا وتىن جەتپەي قالۋى مۇمكىن دەپ سانايدى.
اۆياكومپانيا باسشىلارى ۇشاق اپاتى جايلى رەسمي اقپارات تاراتۋعا ازىرگە دايىن ەمەس. مالايزيا مەن يندونەزيانىڭ رەسمي وكىلدەرى مۇحيتتا تابىلعان ۇشاق سىنىقتارى جايلى اقپاراتتى تەرىسكە شىعارىپ وتىر.
اۆياكومپانيا باسشىلىعى جەكسەنبى كەشكە جولاۋشىلار مەن ەكيپاج مۇشەلەرىنىڭ ۇلتتىق قۇرامىن انىقتادى. جولاۋشىلاردىڭ ىشىندە 149 يندونەزيالىق، ءبىر سينگاپۋرلىق، ءبىر مالايزيالىق، وڭتۇستىك كورەيانىڭ ءۇش ازاماتى مەن ءبىر اعىلشىندىق بولعان. ەكيپاج قۇرامىن 1 فرانسۋز، التى يندونەزيالىق قۇراعان.
