09:47, 29 - جەلتوقسان 2014 | GMT +5
الجير و پ ە ك- ءتى مۇناي ءوندىرۋدى قىسقارتۋعا شاقىردى
استانا. قازاقپارات - الجير مۇناي ونەركاسىبىنىڭ ءمينيسترى يۋسەف يۋسفي و پ ە ك قاتىسۋشى- ەلدەرىن مۇناي ءوندىرۋدى قىسقارتۋعا، ءسويتىپ، ونىڭ باعاسىن ارتتىرۋعا شاقىردى، دەپ حابارلادى بي- بي- سي.
مۇناي باعاسىنىڭ قۇلدىراۋىنان الجير ەكونوميكالىق قيىندىقتارعا تاپ بولۋدا. ەل بيۋدجەتىنىڭ 60 پايىزى مۇناي ساتۋدان تۇسەتىن كىرىستەردەن قۇرالادى.
«و پ ە ك ءبىزدىڭ پايىمداۋىمىزشا، تەپە- تەڭدىكتىڭ بۇزىلۋىن تۇزەتۋگە ارالاسۋى جانە مۇناي باعاسىن كوتەرىپ، ءوز مۇشە- ەلدەرىمىزدىڭ كىرىستەرىن قورعاۋ ءۇشىن مۇناي ءوندىرۋدى قىسقارتۋ قاجەت»، دەلىنگەن مەملەكەتتىك ب ا ق تاراتقان يۋسەف يۋسفيدىڭ حابارلاماسىندا.
