مۇنايدىڭ تومەن باعاسىنان تانكەرلەر يەلەرى پايدا كورەدى
باسىلىم مالىمەتتەرىنە قاراعاندا، تاياۋ شىعىس پەن ازيا اراسىنداعى جولباعىتتا سۋپەرتانكەرلەر يەلەرى كۇنىنە 97,5 مىڭ دوللار پايدا تابۋدا - بۇل 2008-جىلدان بەرگى ەڭ جوعارى دەڭگەي.
Financial Times تانكەر سالاسىنىڭ گۇلدەنۋى ءۇندىستانعا، سونداي-اق ءوزىنىڭ ستراتەگيالىق رەزەرتەرىن ارتتىرا ءتۇسىپ وتىرعان قىتايعا ارزانداعان مۇناي جەتكىزىلىمىنىڭ وسۋىمەن بايلانىستىرادى.
سونىمەن قاتار، باسىلىمنىڭ تۇسىندىرۋىنشە، بولاشاق جەتكىزىلىمدەرگە كەلىسىم-شارتتاردىڭ قۇنى باعالاردان اسىپ تۇسۋدە. مۇنداي جاعداي ساقتاۋ نارىعىندا الاساپىران تۋعىزدى: ترەيدەرلەر مۇنايدى تانكەرلەردە ساقتاۋ ءۇشىن ساتىپ الۋدا جانە كەيىنىرەك ساتۋ كەزىندە تابىسقا جەتۋگە ءۇمىت ەتۋدە.
مۇنايدىڭ الەمدىك باعاسى وتكەن جىلدىڭ جازىنان بەرى قۇلدىرادى. ساراپشىلار مۇنى نارىقتاعى سۇرانىستىڭ كوپتىگىمەن بايلانىستىرادى. وپەك ەلدەرىنىڭ 27- قاراشاداعى مۇناي ءوندىرۋ كۆوتاسىن كۇنىنە 30 ميلليون باررەل دەڭگەيىندە ساقتاۋ جونىندەگى شەشىمى باعانىڭ قۇلدىراۋىن كۇشەيتە ءتۇستى.
