ورتكە ورانعان الىپ كەمەنى سۇيرەپ كەلە جاتقاندا ارقان ءۇزىلىپ كەتتى

استانا. قازاقپارات - يتالياندىق Marietta Barretta كەمەسىنىڭ يون تەڭىزىندە Norman Atlantic پارومىن سۇيرەپ كەلە جاتقان ارقانى ءۇزىلىپ كەتتى، دەپ حابارلادى ر ي ا نوۆوستي.

قازىر كەمەنى Norman Atlantic پارومىنىڭ قاسىنداعى ءتورت تىركەۋدىڭ بىرىنە قايتادان جالعاۋعا تىرىسۋدا. بۇدان كەيىن پاروم يتالياندىق برينديزي ايلاعىنا جەتكىزىلمەك.

گرەكيادان يتالياعا جول تارتقان پارومداعى ءورت جەكسەنبى كۇنى تاڭەرتەڭ ەرتە گاراجدىق بولىمنەن شىقتى. كەمە جانا باستاعان كەزدە وندا 470 كە تارتا ادام بولدى، سونىڭ ىشىندە 410 جولاۋشى بار. جالىندى ءىشىنارا باقىلاۋعا الۋدىڭ ءساتى ءتۇستى.

توتەنشە وقيعا سالدارىنان ءبىر ادام مەرت بولدى جانە بىرنەشە ادام زارداپ شەكتى. يتاليا اسكەري-تەڭىز كۇشتەرىنىڭ سوڭعى مالىمەتتەرى بويىنشا، كەمەدەن 190 ادام قۇتقارىلدى، بورتتا ءالى 287 جولاۋشى مەن ەكيپاج مۇشەلەرى قالىپ وتىر.

ءتۇنى بويى جۇرگىزىلەتىن قۇتقارۋ وپەراتسياسىنا گرەكيا، يتاليا، البانيا قاتىسۋدا، بارلىق ۇدەرىسكە يتالياندىق جاعالاۋ كۇزەتى باسشىلىق ەتۋدە.