08:02, 29 - جەلتوقسان 2014 | GMT +5
اكىمدەر سوعىس ارداگەرلەرىنە ق ر پرەزيدەنتىنىڭ اتىنان قۇرمەت كورسەتەدى
استانا. قازاقپارات - بۇگىن، 29- جەلتوقساندا، دۇيسەنبى كۇنى استانا قالاسىنداعى الماتى، سارىارقا جانە ەسىل اۋداندارىنىڭ اكىمدەرى ۇلى وتان سوعىسىنىڭ ارداگەرلەرىنە قۇرمەت كورسەتىپ، ق ر پرەزيدەنتىنىڭ اتىنان قۇتتىقتاۋلار جانە مەرەكەلىك سىيلىقتار تاپسىرادى.
بۇل تۋرالى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ، «بايتەرەك» حالىقارالىق مەدياورتالىعى حابارلادى.
جاڭا جىل قارساڭىندا ەلباسى نۇرسۇلتان نازاربايەۆتىڭ باستاماسىمەن قازاقستاندا ارداگەرلەردى قولداۋدىڭ جالپى ۇلتتىق اكسياسى وتۋدە. بۇل بىرەگەي شارا جانە ت م د- نىڭ بىردە-ءبىر ەلىندە تەڭدەسى جوق. اكسيا اۋقىمىندا رەسپۋبليكانىڭ بارلىق وبلىستارىنىڭ، قالالاردىڭ جانە اۋدانداردىڭ اكىمدەرى ارداگەرلەرگە ارنايى بارىپ، مەملەكەت باسشىسىنىڭ اتىنان كەلە جاتقان مەرەكەمەن قۇتتىقتاپ، جاڭاجىلدىق سىيلىقتار تاپسىرۋدا. ءسويتىپ، رەسپۋبليكامىزدا تۇراتىن ۇلى وتان سوعىسىنىڭ 5115 قاتىسۋشىسىنىڭ ءارقايسىسى پرەزيدەنتتىڭ اتاۋلى قۇتتىقتاۋىنا يە بولادى.
