مالايزيالىق ۇشاق بەليتۋنگ ارالى ماڭىنداعى سۋعا قۇلاعان
بۇدان بۇرىن حابارلاعانىمىزداي، اۋە ديسپەتچەرلىك قىزمەتى مالايزيانىڭ Air Asia اۋە كومپانياسىنىڭ يندونەزيالىق سۋرابايا قالاسىنان سينگاپۋرگە ۇشىپ شىققان ۇشاعىمەن بايلانىستى جوعالتىپ العان. دجاكارتانىڭ كوماندالىق- ديسپەتچەرلىك پۋنكتى مەن QZ 8501 رەيسى اراسىنداعى بايلانىس جەرگىلىكتى ۋاقىت بويىنشا ساعات 06.17-دە ءۇزىلدى.
يندونەزيانىڭ كولىك مينيسترلىگى وكىلىنىڭ ايتۋىنشا، بايلانىس ۇزىلمەستەن ءسال ۋاقىت بۇرىن ۇشاقتىڭ ۇشقىشتارى باعىتتارىن وزگەرتىپ ۇشۋعا رۇقسات ەتۋدى سۇراعان، دەپ جازادى ر ي ا نوۆوستي.
كەيبىر ب ا ق- تىڭ مالىمەتتەرىنشە، اۋە كولىگىنىڭ ىشىندە 162 ادام بولعان. سونداي- اق جولاۋشىلاردىڭ 17 سى جاس بالالار بولعان. ال يندونەزيانىڭ كولىك مينيسترلىگى ونىڭ بورتىندا 155 ادامنىڭ بولعاندىعى تۋرالى حابارلايدى. «سترەيتس تايمس» گازەتىنىڭ ەلەكتروندىق نۇسقاسىنداعى مالىمەتتەرگە سۇيەنسەك، ولاردىڭ اراسىندا كورەيا رەسپۋبليكاسىنىڭ ءۇش ازاماتى، ءبىر سينگاپۋرلىق ازامات جانە ۇلى بريتانيانىڭ ءبىر تۇرعىنى بولعان، قالعاندارى - يندونەزيانىڭ ازاماتتارى.
