اۆستراليادا كەنگۋرۋدىڭ سوققىسىن العان شاعىن تىكۇشاق «اپاتقا ۇشىرادى» - كەسكىن

استانا. قازاقپارات - اۆسترالياداعى ساياباقتاردىڭ بىرىندە مەكەندەيتىن كەنگۋرۋلاردىڭ تىرشىلىگىن ءتۇسىرۋ ءۇشىن تابيعات زەرتتەۋشىلەرى ۇشىرعان كۆادروكوپتەر كۇتپەگەن جەردەن اپاتقا ۇشىرادى.

 بۇل وقيعا جاڭا وڭتۇستىك ۋەلس شتاتىنداعى ساياباق اۋماعىندا بولدى. تابيعات تانۋشىلار بەينەكامەرا بەكىتىلگەن دروندى كەنگۋرۋلاردىڭ تىنىس- تىرلىگى جايلى ەگجەي- تەگجەيلى ءبىلۋ ءۇشىن پايدالانعان.

 ءسىرا، كەنگۋرۋلار مەن ولاردىڭ تولدەرىنە شاعىن عانا تىكۇشاقتىڭ شۋىلى مەن ىزدەرىنەن قالماي جۇرگەنى ۇناماعان بولسا كەرەك، ولار ودان ارىلماق بولىپ شەشكەن. سول سەبەپتەن وعان كۇتپەگەن جەردەن «سوققى» جاساعان.

درون يەلەرى قۇرالدى الىپ، وندا بەكىتىلگەن بەينەكامەرانىڭ ىشىنەن جادى كارتاسىن الىپ تاستادى. ۇشىرۋ قۇرالىنىڭ ءوزى بولسا، كۇردەلى زاقىمدانعان، ەش جوندەۋگە كەلمەيدى، دەپ جازادى سەگودنيا.