جاڭاجىلدا ءبىر- بىرىمەن رەنجىسكەن پەرۋلىكتەر جۇدىرىقتاسۋعا شىعادى

استانا. قازاقپارات - پەرۋدىڭ كەيبىر اۋداندارىندا تۇراتىن بايىرعى حالىقتاردىڭ بىرىندە جاڭا جىل مەرەكەسىن قارسى الۋدىڭ قىزىق ءداستۇرى بار. جىل بويى ءبىر- بىرىمەن رەنجىسىپ جۇرگەن ادامدار جۇرتشىلىق الدىنا شىعىپ، كادىمگىدەي توبەلەسەدى،

 دەپ حابارلادى www.24.kz.

 مەيرامعا كەلگەن ەر ادامدار عانا ەمەس، ايەلدەر، ءتىپتى، بالالار دا ءبىر- بىرىنە اياماي جۇدىرىق جۇمساۋعا رۇقسات بار. دەگەنمەن، ولار ءوز قارسىلاسىنىڭ دەنساۋلىعىنا قاۋىپ توندىرمەۋى ءتيىس جانە بۇرىنعى كەگى مەن ءوشىن بۇدان بىلاي ۇمىتۋى شارت. وسىلايشا ولار ءبىر- بىرىنە جاقسى نيەتتە بولىپ، جاڭا جىلعا دوس كوڭىلمەن قادام باسۋلارى كەرەك. مەرەكەنىڭ ەرەكشەلىگى وسى بولسا دا، اياقتالۋىنىڭ كەز كەلگەن باسقا مەيرامنان ايىرماشىلىعى جوق. مۇندا كەلگەن جۇرتشىلىق ءبىر داستارحاننان تاماقتانىپ، ىشىمدىك ءىشىپ، بىرگە ءان ايتىپ، بي بيلەيدى.