قازاقستاندىق ستۋدەنتتەر ءۇرىمجى قالاسىندا پىكىرسايىس وتكىزدى
ستۋدەنتتەر الدىندا پاسپورتتىق- ۆيزالىق قىزمەتكەرلەرى دانيار سەرىكبايەۆ پەن باۋىرجان اسقاي ءسوز سويلەدى. ولار قازاقستاننىڭ گۇلدەنۋى مەن مەملەكەت باسشىسىنىڭ ەلدىڭ دامۋى ءۇشىن العا قويعان ماقساتتارى مەن مىندەتتەرىن ىسكە اسىرۋدا جاستار، ونىڭ ىشىندە شەتەلدە ءبىلىم الىپ جاتقان ستۋدەنتتەردىڭ الار ورنى ەرەكشە ەكەنىن اتاپ ءوتتى.
ستۋدەنتتەر «كەدەن وداعى: جاڭا مۇشەلەردىڭ كىرۋى» ، «ق ر- داعى ەكولوگيانى قورعاۋ: يندۋستريالاندىرۋدىڭ ىقپالى»، «اسكەري بلوكتار: قازاقستان ۇستانىمى - كىرۋ قاجەت پە الدە كىرمەگەن دۇرىس پە؟» جانە باسقا دا كەلەلى ماسەلەلەردى تالقىعا سالدى.
ۇزدىك سپيكەرلەر بولىپ مۇقان تۇرسىنباي، باۋىرجان وڭالسىن تانىلدى. قازاق ءتىلدى ليگادا ءبىرىنشى ورىن ش ۇ ا ا مەديتسينالىق ۋنيۆەرسيتەتىنىڭ ستۋدەنتتەرى سىمبات جانۇزاقوۆا مەن راحيزا ايدوسقا، ورىس ءتىلدى ليگادا شىنجاڭ ۋنيۆەرسيتەتىنىڭ ستۋدەنتتەرى ماريا شەريموۆا مەن ءامينا نيازوۆاعا بەرىلدى.
پىكىرسايىس جەڭىمپازدارى گراموتالارمەن، باعالى سىيلىقتارمەن ماراپاتتالدى.
ەسكە سالساق، ءۇرىمجى قالاسىندا 1250 گە جۋىق قازاقستاندىق ستۋدەنتتەر ءبىلىم الادى.
