پرەزيدەنتكە حات جازعان بالا الماتىدا ەكسپەريمەنت جاسادى
سيۋجەت بويىنشا بالا سىرعاناق تەۋىپ جۇرگەندە ونىڭ سومكەسى مەن سىرت كيىمدەرىن بىرەۋلەر ۇرلاپ كەتەدى، بالانىڭ ۇستىندە - جالعىز كوفتا، ول اتا-اناسىن كۇتىپ، الماتىنىڭ ادام كوپ تۇراتىن اۋدانىنداعى ايالدامادا توڭىپ وتىرعان كەيىپ تانىتادى.
الماتىلىقتار «قاتتى توڭىپ قالعان» بالاعا بەيجاي قاراعان جوق، ەكسپەريمەنت ناتيجەسى قوعامدا وزگەلەرگە قول ۇشىن تيگىزەتىندەردىڭ بار ەكەنىن ايقىنداپ بەردى.
ءبىر ساعاتتىڭ ىشىندە توڭىپ وتىرعان بالانىڭ قاسىنان 200 گە جۋىق ادام ءوتتى. ءاربىر 5-10 مينۋتتا ولاردىڭ بىرەۋى سۋىقتان قاتتى توڭىپ وتىرعان بالاعا نازار اۋداردى. ءبىر ساعات بولعان ءتۇسىرىلىم بارىسىندا ون ادام بالاعا كومەككە كەلدى. ولاردىڭ كوبى بالانى جىلى جەرگە اپارماقشى بولدى، ەندى ءبىرى پوليتسيا شاقىرىپ، بىرەۋلەرى كۇرتەسىن شەشىپ بەرىپ، بالانى جىلىتۋعا تىرىستى.
ايتا كەتەيىك، ەكسپەريمەنتكە قاتىسقان بالاعا سۋىق تيگەن جوق، بالانىڭ ەسىمى - ەرجان، 10 جاستا، بۇل بالا تۋرالى بۇعان دەيىن جازىلعان بولاتىن. ول ەلباسىعا حات جازىپ، ونى تۋعان كۇنىنە شاقىرعان ەدى. نۇرسۇلتان نازاربايەۆ ول حاتقا جاۋاپ بەردى.
