اقتوبەلىك ارداگەرلەردى وبلىس اكىمى ەلباسى اتىنان كەلە جاتقان جاڭا جىلمەن قۇتتىقتادى - فوتو

اقتوبە. قازاقپارات - وبلىس ورتالىعىندا تۇراتىن بەس ارداگەردىڭ ۇيلەرىنە اقتوبە وبلىسىنىڭ اكىمى ارحيمەد مۇحامبەتوۆ پەن وبلىستىق ءماسليحاتتىڭ حاتشىسى ءسانيا قالدىعۇلوۆا باردى.

ەل پرەزيدەنتى نۇرسۇلتان نازاربايەۆتىڭ اتىنان ءاربىر ارداگەردى كەلە جاتقان جاڭا جىلمەن قۇتتىقتاپ، ولارعا مەرەكەلىك سىيلىقتار تابىس ەتتى.

92 جاستاعى جالعاسباي قۋاتوۆ، 90 جاستاعى ۆلاديمير فينيۋتين، 89 جاستاعى المات ەرماعامبەتوۆ جانە 87 جاستاعى فەدور چەمودانوۆپەن اڭگىمەلەسكەن ايماقتىڭ اتقارۋشى جانە بيلىك وكىلدەرىنىڭ باسشىلارى توبەمىزدەگى اشىق اسپان ءۇشىن ارداگەرلەرگە العىس ءبىلدىردى.

اقتوبە وبلىسىندا قازاقستان رەسپۋبليكاسى پرەزيدەنتىنىڭ جەكە قۇتتىقتاۋلارى ۇلى وتان سوعىسى جىلدارىن باستان وتكەرگەن 180 ارداگەرگە دە جەتكىزىلەدى. 26 - جەلتوقسان كۇنى ەل پرەزيدەنتىنىڭ قۇتتىقتاۋلارى مەن سوعىس ارداگەرلەرىنە ارنالعان سىيلىقتاردى اقتوبە قالاسىنىڭ اكىمى ەرحان وماروۆ پەن وبلىستىڭ بارلىق اۋداندارىنىڭ اكىمدەرى تاپسىرا باستادى.

ەستەرىڭىزگە سالا كەتەيىك، جاڭا جىل قارساڭىندا قازاقستاندا ارداگەرلەردىڭ قولداۋدىڭ جالپىۇلتتىق اكتسياسى وتۋدە. مۇنداي شارالار ت م د ەلدەرىنىڭ ەشقايسىسىندا جوق.

اكسيا بارىسىندا رەسپۋبليكانىڭ بارلىق اۋدان، قالا جانە وبلىس اكىمدەرى ارداگەرلەرگە بارىپ، ولاردى كەلە جاتقان جاڭا جىلمەن قۇتتىقتاپ، مەملەكەت باسشىسىنىڭ اتىنان مەرەكەلىك سىيلىقتار تاپسىرۋدا.

پرەزيدەنتتىڭ مۇنداي سىيلىقتارىنا ەلىمىزدەگى 5115 سوعىس ارداگەرىنىڭ ءارقايسىسى يە بولادى.