سەنسورلى سمارتفوندار ادام ميىن وزگەرتەدى

استانا. قازاقپارات - سمارتفونداردىڭ ومىرىمىزگە ەنگەنى سونشالىق، ءبىزدىڭ ميىمىزدىڭ فورماسى مەن فۋنكتسيالارىن وزگەرتتى.

Hi-News - دىڭ حابارلاۋىنشا، بۇعان شۆەيتساريا عالىمدارىنىڭ زەرتتەۋ ناتيجەلەرى كۋا بولا الادى.

ساراپشىلار سەنسورلى تەلەفونداردى كۇندەلىكتى قولداناتىن ادامداردىڭ سوماتوسەنسورلى قاباتى ۇلعايعاندىعىن انىقتادى. بۇل - ميدىڭ قول ساۋساقتارىنىڭ قوزعالىسىن باقىلايتىن بولىگى.

شۆەيتسارياداعى سيۋريح ۋنيۆەرسيتەتىنىڭ نەۆرولوگتارى ۇيالى تەلەفوننىڭ ادام دەنساۋلىعىنا اسەرىن زەرتتەپ، جەكە ۇيالى گادجەتتى پايدالانۋدا وعان قۇلاي بەرىلۋ ميدىڭ وزگەرۋىنە اكەلەتىندىگىن انىقتاپ وتىر.

ادام ميىنىڭ جاڭا جاعدايلارعا بەيىمدەلۋ قابىلەتى بۇل وزگەرىستەردىڭ سوزىلمالى اۋرۋدىڭ پايدا بولۋى مەن قوزعالتقىش مۇشەلەردىڭ قالىپتى جۇمىسىنىڭ بۇزىلۋىنا سوقتىرادى.

عالىمداردىڭ پايىمداۋىنشا، قاراپايىم تەتىكتەرگە قاراعاندا تاچسكريندەرمەن جۇمىس قول ساۋساقتارىنىڭ الدەقايدا كۇردەلى قوزعالىستارىمەن بايلانىستى. سەنسورلى ەكرانعا جىلدام قول تيگىزۋ ميدىڭ بەلسەندى جۇمىس ىستەۋىنە اكەلەدى. زەرتتەۋشىلەر سوماتوسەنسورلى بولىكتەگى فورمانىڭ وزگەرۋى اعزانى شارشاتاتىنىن ەسكەرتىپ وتىر.