21:10, 26 - جەلتوقسان 2014 | GMT +5
قوعامدىق كولىك جۇرگىزۋشىسى جولاۋشى ايەلدى بوساندىردى
استانا. قازاقپارات - نوۆوسيبيرسك قالاسىندا تروللەيبۋس ىشىندە جولاۋشى ايەل بوساندى، - دەپ حابارلادى مەريانىڭ باسپا ءسوز قىزمەتى.
تولعاعى كەلگەن ايەلدى اۋىسىمنان كەيىن ۇيىنە بارا جاتقان تروللەيبۋس جۇرگىزۋشىسى ولگا نافتايەۆا بوساندىرىپ العان.
اياعى اۋىر ايەل اۋىرىپ تۇرعانىن ايتقاندا، ولگا ونىڭ بوسانۋ ۋاقىتى جاقىنداعانىن تۇسىنگەن. ءۇش بالاسى بار نافتايەۆا كولىك جۇرگىزۋشىسىن ەسكەرتىپ، جەدەل جاردەم شاقىرعان. سودان كەيىن جولاۋشىلاردى توقتاعان تروللەيبۋستان شىعارىپ، ءسابيدىڭ جارىق دۇنيەگە كەلۋىنە جاردەم بەرگەن.
