قازاقستان مەن قىتايدىڭ دامۋ ستراتەگيالارى ۇقساس - سيۋي شاوشي

  بەيجىڭ. قازاقپارات - قازاقستان مەن قىتايدىڭ دامۋ ستراتەگيالارى ۇقساس. بۇل تۋرالى ق ر ينۆەستيتسيالار جانە دامۋ ءمينيسترى اسەت يسەكەشيەۆپەن وتكەن كەلىسسوزدەر بارىسىندا ق ح ر دامۋ جانە رەفورمالار مەملەكەتتىك كوميتەتىنىڭ باسشىسى سيۋي شاوشي مالىمدەدى.

«قىتاي مەن قازاقستاننىڭ ستراتەگيالارى ءبىر- بىرىنە ۇقسايدى. سىزدەردە «نۇرلى جول» ، بىزدە «جىبەك جولىنىڭ ەكونوميكالىق بەلدەۋى» بار، سىزدەردە يندۋستريالاندىرۋدىڭ 2- كەزەڭى، ال بىزدە - كاسىپورىنداردى قايتا باعدارلاۋ باعدارلاماسى باستالدى» ، - دەدى ول.

سيۋي شاوشي ەكى ەل باسشىلىعىنىڭ اراسىندا ساياسي ءوزارا سەنىمنىڭ جوعارى دەڭگەيىنىڭ قالىپتاسقانىن اتاپ ءوتتى. «ءبىز ورىنداۋشىلار رەتىندە باسشىلىعىمىز قويعان مىندەتتەردى جاقسى ورىنداۋىمىز كەرەك» ، - دەپ تۇيىندەدى ءسوزىن قىتايلىق شەنەۋنىك.

ەستەرىڭىزگە سالا كەتەيىك، قازاقستان مەن قىتاي جالپى سوماسى 60 ميلليارد دوللاردان اساتىن 50 دەن استام ەكونوميكالىق جوبالاردى ىسكە اسىرۋ پەرسپەكتيۆاسىن تالقىلاۋدا.

قازاقستاندىق دەلەگاتسيانىڭ قۇرامىندا 40 ادام بار، سونىڭ ىشىندە ي د م، قازاقستاننىڭ دامۋ بانكى، KEGOC، «بىرلەسكەن حيميالىق كومپانيا» ، «KaznexInvest» ، «تاۋ- كەن سامۇرىق» ، «قازاقستان ينجينيرينگ» ، «سامۇرىق- ەنەردجي» ، «بايتەرەك» ۇلتتىق حولدينگى، «قازاۆتوجول» ، «قازازوت» ، «قازاقمىس» جانە باسقا كومپانيالاردىڭ وكىلدەرى بولدى.

 قىتايلىق تاراپتان كەلىسسوزدەرگە دامۋ جانە رەفورمالار مەملەكەتتىك كوميتەتى، قىتاي ۇلتتىق بانكى، ەكسيم- بانك، قۇرىلىس بيزنەسى قاۋىمداستىعى جانە وزگە دە ءبىرقاتار ءىرى كومپانيالاردىڭ وكىلدەرى قاتىسۋدا.