تۇرار رىسقۇلوۆتىڭ ەكونوميكانى جاڭعىرتۋعا قاتىستى ويلارى بۇگىنگى كۇننىڭ تالاپتارىمەن ۇندەسىپ جاتىر - س. سۆياتوۆ

 الماتى. قازاقپارات - تۇرار رىسقۇلوۆتىڭ ەكونوميكانى جاڭعىرتۋ سالاسىنداعى عىلىمي وي- پىكىرلەرى بۇگىنگى كۇننىڭ تالاپتارىمەن ۇندەسىپ جاتىر.

بۇگىن الماتىدا «تۇرار رىسقۇلوۆتىڭ مەملەكەتتىك- ساياسي، عىلىمي جانە قوعامدىق قىزمەتى مەن بۇگىنگى زامان» تاقىرىبىندا ءوتىپ جاتقان حالىقارالىق عىلىمي كونفەرەنتسيادا ت. رىسقۇلوۆ اتىنداعى جاڭا ەكونوميكالىق ۋنيۆەرسيتەتتىڭ رەكتورى، ەكونوميكا عىلىمدارىنىڭ دوكتورى سەرىك سۆياتوۆ ءمالىم ەتتى.

ونىڭ ايتۋىنشا، تۇرار رىسقۇلوۆتىڭ ەڭبەكتەرىندە بىرەگەي، وتە باتىل عىلىمي وي- پىكىرلەر جيناقتالعان.

«تۇرار رىسقۇلوۆتىڭ ەكونوميكانى جالپى قايتا جانداندىرۋ، ايماقتىق جۇيەلەردى قالىپتاستىرۋ جانە ينتەگراتسيالىق بايلانىستاردى دامىتۋ سالاسىنداعى يدەيالارىنا جۇگىنۋ، ونىڭ ەكونوميكالىق ماسەلەلەردى زەرتتەۋ سالاسىنداعى ىرگەلى ەڭبەكتەرىن وي سۇزگىسىنەن وتكىزىپ، ۇعىنۋ - ەلباسى نۇرسۇلتان نازاربايەۆ جاريالاعان جاڭا ەكونوميكالىق ساياسات تۇرعىسىنان الىپ قارعاندا وتە ماڭىزدى بولماق»، - دەدى ءوز سوزىندە س. سۆياتوۆ.

تۇرار رىسقۇلوۆ اتىنداعى جاڭا ەكونوميكالىق ۋنيۆەرسيتەتىندە ءوتىپ جاتقان كونفەرەنتسياعا اۆستريا، موڭعوليا جانە قىتاي ەلدەرىنىڭ وكىلدەرى، قازاقستاننىڭ قوعام قايراتكەرلەرى، رىسقۇلوۆتانۋشىلار، عالىم- ەكونوميستەر، ج و و وقىتۋشىلارى مەن ماگيسترانتتارى قاتىسۋدا.

كونفەرەنسيا باستالماس بۇرىن وعان قاتىسۋشىلار ۋنيۆەرسيتەت الدىنا ورناتىلعان ت. رىسقۇلوۆتىڭ ەسكەرتكىشىنە گۇل شوقتارىن قويدى. كەيىن، وسى جوعارى وقۋ ورنىنداعى تۇرار رىسقۇلوۆ مۇراجايىن ارالادى جانە «تۇرار تانۋ» اۋديتورياسىنىڭ اشىلۋ راسىمىنە قاتىستى.

اۆتور: جاپپاربەرگەن ايبوتا