ابايعا قاتىستى تىڭ دەرەكتەر تابىلدى

استانا. قازاقپارات - سەمەيدە كەمەڭگەر ابايعا قاتىستى تىڭ مالىمەتتەر بەلگىلى بولدى. ومبى مۇراعاتىنان ۇلى اقىننىڭ شىڭعىس بولىستىعىنا باسشى بولىپ سايلانعانىن راستايتىن قۇجات تابىلدى.

بۇل جايىندا بريفينگتە اباي اتىنداعى قورىق-مۇراجاي ماماندارى مالىمدەدى. جالپى، ابايدىڭ بولىستىققا سايلانعانىن بۇل قۇجات تابىلعانعا دەيىن دە جۇرتشىلىق بىلەتىن ەدى. بۇعان قاتىستى اقپار ۇلى ويشىلدىڭ تۋىستارىنىڭ ەستەلىگىندە جازىلعان. الايدا مۇنى راستايتىن قۇجاتتى ەشكىم كورمەگەن. 121 جىلدان كەيىن تابىلعان قۇجات بارلىق جورامالدى سەيىلتىپ وتىر.

جاندوس اۋباكىر، مۇراجاي ديرەكتورى: - اۋەزوۆ ايتقانداي، ابايدىڭ بولىس بولعاندىعىن تاعى دا 3 جىلعا ۇلعايتىپ، 15 جىل بولىس بولدى دەگەن دەرەكتى ناقتى بۇيرىقتىق نەگىزدە تاۋىپ وتىرمىز.

24.kz