جامبىل وبلىسىنىڭ تاريحي نىساندارى تۋريستەردىڭ قىزىعۋشىلىعىن ارتتىرۋدا - فوتو
جۋالى اۋدانى تابيعاتىمەن تامساندىرادى. كونە «اقسۋ جاباعالى» قورىعىن كورەمىن دەۋشىلەر دە از ەمەس، ول ورتالىق ازيادا العاشقى بولىپ يۋنەسكو بيوسفەرالىق قورىعى مارتەبەسىن يەلەندى. بەرىكقارا شاتقالى رەسمي تۇردە «قىزعالداقتار وتانى» دەپ مويىندالعان. وسى جەردەن ولار گوللاندياعا جەتكىزىلگەن.
شۋ اۋدانى «جايساڭ» عيباداتحاناسى» مەموريالدىق كەشەنىمەن تانىمال. مەركە اۋدانىندا مەركە تاۋلارىندا 60 مەترلىك ۇڭگىر ورنالاسقان، ساندىقتاس ءۇستىرتى بار. بايزاق اۋدانىندا سيقىرعا تولى اقىرتاس ەسكەرتكىشى بار. بەتپاقدالا اسەم تابيعاتىمەن كوزدىڭ جاۋىن الاتىن ەرەكشە ورىنداردىڭ ءبىرى.
جامبىل اۋدانىندا قاجىلىق تۋريزم دە دامىپ كەلەدى. مۇندا ХІ-ХІІ عاسىرلاردىڭ ساۋلەت ۇلگىسى ايشا ءبيبى كەسەنەسى ورنالاسقان. ول قازاقستان اۋماعىنداعى عانا ەمەس، سونىمەن بىرگە بۇكىل ورتالىق ازياداعى ەرەكشە تاسىلمەن قاپتالىپ بەزەندىرىلگەن جالعىز ەسكەرتكىش. بۇل ەسكەرتكىش يۋنەسكو- نىڭ قۇندى تاريحي- ساۋلەتتىك ەسكەرتكىشتەر تىزىمىنە ەندى.
تارازداعى قاراحان كەسەنەسى دە تۋريستەر ءۇشىن وتە تارتىمدى.
وبلىس اكىمدىگى جاساعان «تۋريستىك كلاستەر قۇرۋ: «كونە تارازدان بۇگىنگى كۇنگە دەيىن» ينۆەستيتسيالىق جوباسى» بيزنەس- جوسپارىنا سايكەس، تارازدا ارحەولوگيالىق قازبا جۇمىستارىن جۇرگىزۋ مەن وسى جەردە «كونە تاراز» ساياباعىن سالۋ ءۇشىن 4 جىلدا 47 ميلليارد تەڭگە ينۆەستيتسيا قۇيۋ كوزدەلگەن. بۇل جوبا بويىنشا تاراز ورتالىعىندا 20 گ ا جەردە ارحەولوگيالىق جانە تۋريستىك ساياباقتار ورىن تەبەدى. تۋريستەر ارحەولوگيالىق قازبالاردى، تابىلعان ارتەفاكتتاردى، جاياۋ جۇرگىنشىلەر جولىنىڭ جەلىسىن، شىعىس بازارلارىن، «شەبەرلەر قالاسىن»، قوناقۇيلەردى تاماشالاي الادى. كونە تاراز قالاسى تاريحي- مادەني تۋريزمنىڭ دامۋ ورتالىعىنا اينالادى.
سونىمەن قاتار تۋريستەر ءۇشىن جامبىل وبلىسى بويىنشا اقپاراتتىق- تانىمدىق تۋرلار ۇيىمداستىرىلادى. ولاردىڭ مەرزىمى ءبىر كۇننەن جەتى كۇنگە دەيىن. ايماقتىڭ اسەم تابيعاتى، ۇلتتىق داستۇرلەر مەن قازاقستان حالقىنىڭ تاعامدارى بارلىق قازاقستاننان جانە وزگە ەلدەردەن دە تۋريستەردى تارتادى.
تۋريزم سالاسى ساۋدامەن بىرگە بيۋدجەتكە قوماقتى پايدا اكەلەدى. تاريحشىلاردىڭ باعالاۋىنشا، جامبىل وبلىسىندا ءبىرقاتار قۇندى ارحەولوگيالىق ەسكەرتكىشتەر ورنالاسقان. بۇل اراب جانە قىتاي شايقاسقان كونە اتلاك قالاسى، سونىمەن بىرگە اكلاحۋم، تومەنگى بارىسحان، اقىرتاس كونە قالالارى، قاراساي، تامدىساي جانە بوتا- مويناق شاتقالدارى. جۋالى اۋدانىنداعى مايماق شاتقالىنداعى پەتروگليفتەر تۋريستەردىڭ قىزىعۋشىلىعىن تۋدىرۋدا.
2014 -جىلى جامبىل وبلىسىنىڭ بەس تاريحي نىسانى يۋنەسكو- نىڭ بۇكىلالەمدىك مادەني مۇرالار تىزىمىنە ەنگىزىلدى. ولار: اقتوبە قالاشىعى، قۇلان، ورنەك، قوستوبە، سونىمەن قاتار اقىرتاس.
