07:45, 27 - جەلتوقسان 2014 | GMT +5
پرەزيدەنتىن بالاعاتتاعان جاسوسپىرىم قاماۋعا الىندى
استانا. قازاقپارات - تۇركيا پرەزيدەنتى رەدجەپ تايىپ ەردوعاندى بالاعاتتادى دەگەن كۇدىكپەن پوليتسيا قىزمەتكەرلەرى 16 جاستاعى جاسوسپىرىمدى قاماۋعا الدى.
جەرگىلىكتى ب ا ق وكىلدەرىنىڭ حابارلاۋىنشا، ۇستالعان كۇدىكتى انادولىدا ءوتىپ جاتقان نارازىلىق اكسياسىندا ەردوعان مەن باسقارۋشى پارتيانى جاريا تۇردە جەمقور دەپ ايىپتاعان.
تۇركيا پرەمەرى احمەت ءداۋىتوعلى پوليتسيانىڭ بۇل ارەكەتىن قوش كورىپ وتىر. ول مەملەكەت باسشىسىنا قۇرمەتپەن قاراۋ كەرەك دەگەن پىكىردە.
ايتا كەتەيىك، تۇركيانىڭ زاڭناماسىنا سايكەس، پرەزيدەنتتى بالاعاتتاۋ قىلمىس بولىپ سانالادى جانە بۇل زاڭدى بۇزعان ادام 4 جىلعا دەيىن باس بوستاندىعىنان ايرىلۋى مۇمكىن.
Baq.kz
