فاريزا وڭعارسىنوۆا اتىنداعى ينتەرنەت- بايقاۋدىڭ جەڭىمپازدارى ماراپاتتالدى - فوتو
25 - جەلتوقسان - قازاقتىڭ باعىنا تۋعان اقىن، ق ر مەملەكەتتىك سىيلىعىنىڭ لاۋرەاتى، قازاقستاننىڭ حالىق جازۋشىسى، پوەزيا پاديشاسى - فاريزا وڭعارسىنوۆانىڭ دۇنيەگە كەلگەن كۇنى. ايبارلى اقىننىڭ تۋعانىنا بيىل 75 جىل. وسىعان وراي «ادەبيەت پورتالى» فاريزا وڭعارسىنوۆا اتىنداعى كوركەم ءسوز وقۋ شەبەرلەرىنىڭ 1 - رەسپۋبليكالىق ينتەرنەت- بايقاۋىن ۇيىمداستىرعان ەدى.
وسىعان وراي، قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا ادەبي بايقاۋدىڭ جەڭىمپازدارىن ماراپاتتاۋ ءراسىمى ءوتتى. ماراپاتتاۋ راسىمىنە مەملەكەت جانە قوعام قايراتكەرلەرى، ەلوردالىق اقىن- جازۋشىلار، ادەبيەتسۇيەر جاستار، بايقاۋ قاتىسۋشىلارى مەن جەڭىمپازدارى قاتىستى. فاريزا وڭعارسىنوۆا اتىنداعى العاشقى ينتەرنەت- بايقاۋعا ەلىمىزدىڭ تۇكپىر- تۇكپىرىنەن 300 گە تارتا تۋىندى تاپسىرىلىپ، ونىڭ ىشىندە 100 بەينە جانە اۋديو شىعارمالار قازىلار القاسىنا ۇسىنىلدى. بايقاۋعا قاتىستىرىلعان جۇمىستارعا ەلىمىزگە بەلگىلى قالامگەرلەر - وڭايگۇل تۇرجان، جانات اسكەربەك قىزى، قالقامان سارين، اقبەرەن ەلگەزەك، ەرلان ءجۇنىس، باۋىرجان قاراعىز ۇلى سىندى اقىندار قازىلىق جاساپ، جەڭىمپازداردى انىقتادى. جەڭىمپازداردىڭ باعالى جۇلدەلەرىن فاريزا وڭعارسىنوۆانىڭ ۇرپاقتارى ۇسىندى.
باس جۇلدە يەگەرى الماتى قالاسىنان نازەركە ءورقارا اتاندى. ال 1- ورىنعا راۋان وقاس (الماتى) ، 2- ورىنعا اقەلىك مۇرات (استانا قالاسى) ، 3- ورىنعا ءاليا ىڭكاربەك (الماتى قالاسى) پەن قۇرالاي جۇماحان (استانا قالاسى) لايىق دەپ تانىلدى. سونداي- اق استانالىقتار ءورىنبۇبى يتانوۆا مەن اياجان بەيبىتوۆا پورتالدىڭ ارنايى جۇلدەسىن يەلەندى.
اقىن وڭايگۇل تۇرجاننىڭ «تۇمار» جۋرنالىنىڭ اتىنان ارنايى جۇلدەسىنە نۇرعازار سەرىكبەك قىزى لايىق دەپ تانىلدى. اقىن جانات اسكەربەك قىزىنىڭ ارنايى جۇلدەسىن نۇرگۇل ءابسادىقوۆا (شىمكەنت قالاسى) مەن نۇرزات اقجالبەك قىزى يەلەندى. ال اقىن قالقامان ساريننىڭ ارنايى جۇلدەسى استانالىق ماديار جاقىپ الدى.
