اقتاۋ قالاسىندا «جاعالاۋ كۇزەتى» وڭىرلىك باسقارماسىنىڭ ءۇش بىردەي ديۆيزيونىنا اسكەري تۋلار تاپسىرىلدى
قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى نۇرعالي بىلىسبەكوۆ 2201А اسكەري ءبولىمىنىڭ كومانديرى II رانگىلى كاپيتان ەرحان رىسقاليەۆكە، 2201 ب اسكەري ءبولىمىنىڭ كومانديرى II رانگىلى كاپيتان اقىلبەك يسلامعاليەۆكە جانە 2201 گ اسكەري ءبولىمىنىڭ كومانديرى I رانگىلى كاپيتان تالعات تورەبايەۆقا اسكەري تۋلاردى سالتاناتتى جاعدايدا تاپسىردى، دەپ حابارلادى ق ر ۇ ق ك ش ق باسپا ءسوز قىزمەتى.
اتالعان بولىمدەرگە اسكەري تۋلار قازاقستان رەسپۋبليكاسىنىڭ پرەزيدەنتى - جوعارى باس قولباسشى نۇرسۇلتان نازاربايەۆتىڭ اتىنان تاپسىرىلدى.
ۇلتتىق قاۋىپسىزدىك كوميتەتىنىڭ باسشىلىعى اسكەري تۋدىڭ ءمان- ماعىناسىنا، ونىڭ ىشىندە ول جاۋىنگەرلىك ار مەن نامىستىڭ بەلگىسى بولىپ سانالاتىندىعىن، وسى تۋدىڭ استىندا جاۋىنگەرلەر وتان قورعاۋ جولىندا باتىلدىق پەن باتىرلىق كورسەتەتىندىگىن، قاسيەتتى بورىشىن وسىلايشا اتقاراتىندىعىن اتاپ ءوتتى.
بۇگىنگى تاڭدا اسكەري تۋ دەگەنىمىز الدىڭعى بۋىن اعالاردىڭ ەل قورعاۋ جولىنداعى ەرلىكتەرىنەن دە سىر شەرتەتىندىگى ايتپاسا دا تۇسىنىكتى.
