11:35, 28 - جەلتوقسان 2014 | GMT +5
يتالياندىق ايەل ءوزىنىڭ ءۇش جاسار ۇلىن يسلام مەملەكەتى سودىرلارىنىڭ فوتوسۋرەتتەرىنەن تاپتى
استانا. قازاقپارات - يتالياندىق ايەل «يسلام مەملەكەتى» سودىرلارىنىڭ سۋرەتتەرىن قاراپ وتىرىپ، ولاردىڭ اراسىنان ءوزىنىڭ جوعالىپ كەتكەن ءۇش جاسار ۇلىن تاپتى، دەپ حابارلادى «ر ي ا «نوۆوستي».
ايەلدىڭ ايتۋىنشا، ول ءوزىنىڭ ۇلىن سوڭعى رەت ءبىر جىل بۇرىن كورگەن، ول اكەسىمەن بىرگە كۋباعا تۋىستارىنا كەتكەن بولاتىن. ودان كەيىن جۇبايى سيرياعا كەتىپ، سودىرلار قاتارىنا قوسىلعان، سوندا ول قازاعا ۇشىراعان. يتالياندىق ايەل كۇيەۋى لاڭكەستەر قاتارىنا قوسىلادى دەپ ەشقاشان ويلاماعان.
قازىرگى كەزدە ول ب ا ق كومەگىمەن بالاسىن ىزدەستىرۋدە.
بۇدان بۇرىن «فەدەرال پرەسس» «يسلام مەملەكەتىنىڭ» لاڭكەستەرى بەس جاسار بالالاردى ۇرلاپ، جاتتىعۋ لاگەرلەرىندە سوعىسقا ۇيرەتەتىنىن حابارلادى.
ب ۇ ۇ قاۋىپسىزدىك كەڭەسىنىڭ وتىرىسى بارىسىندا ۆالەري اموس ەڭ كىشىسى بەستەگى كامەلەتكە تولماعان 350 بالا «يسلام مەملەكەتىنىڭ» راككەدەگى لاگەرىندە لاڭكەستىككە وقىتىلىپ جاتقانىن تۋرالى مالىمەتتەردى جاريالادى.
