04:48, 26 - جەلتوقسان 2014 | GMT +5
التى جاسار ايدا قازاقتىڭ اتىن دۇنيەجۇزىنە تانىتتى
استانا. قازاقپارات - تارازدىق 6 جاسار ايدا قازاقتىڭ اتىن دۇنيەجۇزىنە تاعى ءبىر قىرىنان تانىتتى. تارازدىق ورەن برازيليانىڭ جۋيس-دي-فورا قالاسىندا شاحماتتان وتكەن الەم بىرىنشىلىگىندە قولا جۇلدەگەر اتاندى.
ايدا ايداربەك قىزى جامبىل اتىنداعى 5№ مەكتەپ-گيمنازيانىڭ 1 «ا» سىنىبىندا وقيدى. ول 4 جاسىنان شاحماتقا اۋەستەنە باستاعان. وي ۇشقىرلىعىن تالاپ ەتەتىن ويىننىڭ قىر-سىرىن وعان جاقىن تۋىستارى ۇيرەتكەن. وتكەن جىلدان باستاپ ونى ءوز قاراماعىنا العان جاتتىقتىرۋشىسى نۇرگۇل نۇعمادين قىزى شاكىرتىنىڭ بويىنداعى العىرلىق قابىلەتىمەن ماقتانادى.
زەرەك ويلى ايدانىڭ بيىلدىڭ وزىندە جەتكەن جەتىستىكتەرى كوپ. كىشتەنتاي شاحماتشى ەلىمىزبەن قاتار، ماسكەۋ مەن تاشكەنت قالالارىندا وتكەن جارىستاردان دا جۇلدەلى ورالعان. ءبىلىم ۇياسىنىڭ باسشىلىعى شاحماتشى ايدامەن مەكتەپ وقۋشىلارىنىڭ اراسىندا ارنايى كەزدەسۋ ۇيىمداستىرىپ، ونى الەم بىرىنشىلىگىندەگى جەتىستىگىمەن قۇتتىقتادى. اۆتورى: قانات جۇنىسبەكوۆ
24.kz
