كەلەر جىلى وتەتىن ءىرى سپورتتىق شارالار
قىسقى ۋنيۆەرسيادا (گرانادا، 4-14- اقپان)
جىل باسىندا يسپانيانىڭ گرانادا قالاسىندا ستۋدەنتتەردىڭ XXVII قىسقى ۋنيۆەرسياداسى وتەدى. ايتۋلى دودادا سپورتتىڭ 9 تۇرىنەن 64 مەدال ساراپقا سالىنباق.
كونكيمەن جۇگىرۋ بويىنشا سپرينتتىك كوپ سايىستان الەم چەمپيوناتى (استانا، 28- اقپان - 1- ناۋرىز)
استانا العاش رەت كونكيمەن جۇگىرۋ بويىنشا سپرينتتىك كوپ سايىستان الەم چەمپيوناتىن قابىلداعالى وتىر. بۇل الامان دودا ەلورداداعى «الاۋ» مۇز ايدىنىندا وتەدى.
مانەرلەپ سىرعاناۋدان الەم چەمپيوناتى (شانحاي، 23-29- ناۋرىز)
قازاقستاندا بۇل سپورتقا سوڭعى كەزدەرى قىزىعۋشىلىق جوعارى. اسىرەسە، دەنيس تەننىڭ سوچي وليمپياداسىنداعى قولا جۇلدەسىنەن كەيىن مەدال كۇتەتىندەر كوبەيدى. مانەرلەپ سىرعاناۋدىڭ شەبەرلەرى 23-29- ناۋرىز ارالىعىندا شانحايدا باس قوسادى. 2013-جىلى الەم چەمپيوناتىنىڭ كۇمىسىن العان دەنيس وسى جولى التىن ءۇشىن اتتاناتىنى بەلگىلى.
شايبالى حوككەيدەن الەم چەمپيوناتى (كراكوۆ، 18-24- ءساۋىر)
قازاقستان قۇراماسى بيىلعى جىلى مينسكىدەگى الەم چەمپيوناتىندا بىردە-ءبىر ويىندا جەڭىسكە جەتە الماي، جوعارى توپتان شىعىپ قالعان بولاتىن. ەندى، ءساۋىر ايىندا ءبىرىنشى ديۆيزون كوماندالارى اراسىنداعى چەمپيوناتقا قاتىسادى. ءبىزدىڭ توپتا يتاليا، جاپونيا، ۋكراينا، ۆەنگريا، پولشا قۇرامالارى بار. ويىندار پولشانىڭ كراكوۆ قالاسىندا وتەدى. ۇزدىك شىققانى جوعارى توپقا جولداما الادى.
سۋ سپورت تۇرلەرىنەن الەم چەمپيوناتى (قازان، 24- شىلدە -8- تامىز)
دميتري بالانديننىڭ ينچحونداعى جەتىستىگىنەن كەيىن بۇل چەمپيوناتتان كۇتەرىمىز كوپ. تاتارستان استاناسى قازان قالاسىنداعى بىرىنشىلىكتە قازاقستانعا ءبىر جۇلدە بۇيىرىپ قالار. چەمپيونات 24- شىلدە مەن 8- تامىز ارالىعىنا جوسپارلانعان.
جەڭىل اتلەتيكادان الەم چەمپيوناتى (بەيجىڭ، 22-30- تامىز)
ولگا رىپاكوۆا، ولگا سافرانوۆا، مارينا ايتوۆا سياقتى سپورتشىلاردىڭ جولىنا ۇمىتپەن قارايمىز. «سپورتتىڭ پاديشاسى» سانالاتىن جەڭىل اتلەتيكادان الەم چەمپيوناتىن قىتاي استاناسى بەيجىڭ قالاسى وتكىزەدى.
دزيۋدودان الەم چەمپيوناتى (استانا، 25-30- تامىز)
قازاقستاندا تاعى ءبىر سپورت تۇرىنەن الەم چەمپيوناتى العاش رەت وتپەك. تامىز ايىنىڭ سوڭعى اپتاسىندا دزيۋدو كۇرەسىنەن الەم بىرىنشىلىگىن قابىلداعالى وتىرمىز. بۇل چەمپيوناتتا جاقسى ناتيجە كورسەتكەن سپورتشىلارعا رەيتينگتىك ۇپايلار بەرىلەدى. ءوز جەرىمىزدەگى جارىسقا قازاقستاننىڭ ەرلەر جانە ايەلدەر قۇراماسى قاتىسادى.
كۇرەس تۇرلەرىنەن الەم چەمپيوناتى (لاس-ۆەگاس، 7-15- قىركۇيەك)
كۇرەستىڭ ءۇش تۇرىنەن الەم چەمپيوناتى كەلەسى جىلى قىركۇيەك ايىندا ا ق ش- تىڭ لاس-ۆەگاس قالاسىندا وتەدى. بۇل ريو-دە جانەيرو وليمپياداسىنىڭ ليتسەنزياسىن ساراپقا سالاتىن العاشقى جارىس بولماق.
بوكستان الەم چەمپيوناتى (دوحا، 5-18- قازان)
ەرەسەكتەر اراسىنداعى بوكستان الەم چەمپيوناتى كەلەسى جىلدىڭ قازان ايىندا كاتار استاناسى دوحادا بولادى. بۇل ليتسەنزيالىق بىرىنشىلىك. وليمپيادا جولدامالارى ساراپقا سالىنادى.
بەك تولەۋوۆ
Baq.kz
