21:05, 25 - جەلتوقسان 2014 | GMT +5
قازاقستان ۇلتتىق قۇراماسىنىڭ بوكسشىلارى گولوۆكين بازاسىندا جاتتىعاتىن بولادى
استانا. قازاقپارات - قازاقستان ۇلتتىق قۇراماسىنىڭ بوكسشىلارى ا ق ش- تا گولوۆكين بازاسىندا جاتتىعاتىن بولدى. بۇل تۋرالى قازاقستاندىق بوكس فەدەراتسياسى حابارلادى.
«2015-جىلعى ناۋرىزدىڭ اياعىندا - ءساۋىردىڭ باسىندا ءبىرقاتار قازاقستاندىق بوكسشىلار مۇحيتتىڭ ار جاعىنا ساپار شەكپەك، وندا ولار ارگەنتينادا، ۆەنەسۋەلادا جانە ا ق ش- تا وتەتىن WSB سەرياسىنىڭ ءۇش ويىنىنا قاتىسادى»، - دەلىنگەن تاراتىلعان حابارلامادا.
قۇرامانىڭ باس باپكەرى مىرزاعالي ايتجانوۆتىڭ حابارلاۋىنشا، ءبىزدىڭ سپورتشىلاردىڭ ىشىندە قۇرامانىڭ ءبىرىنشى نومىرلەرى - جانىبەك ءالىمحان ۇلى، يۆان دىچكو، ءىلياس سۇلەيمەنوۆ بولادى. بوكسشىلار ۇرىسقا بەيىمدەلىپ، WSB جەكپە-جەگىنە دايىندىق جۇرگىزۋ ءۇشىن گەننادي گولوۆكين ۇلتتىق قۇراما مۇشەلەرىن ءوز بازاسىندا جاتتىعۋعا شاقىردى. قازىر بوكسشىلار لايىقتى سپاررينگ-ارىپتەس تاڭداۋدا.
