كەلىسىمسىز بولاشاق جوق - ن. نازاربايەۆ

استانا. قازاقپارات - كەلىسىم بولماعان جەردە بولاشاق جوق. بۇل پىكىردى بۇگىن استاناداعى تاۋەلسىزدىك سارايىندا وتكەن يندۋستريالاندىرۋ كۇنى اياسىنداعى جيىن بارىسىندا ەلباسى نۇرسۇلتان نازاربايەۆ ءبىلدىردى.

ەلباسى ءوز سوزىندە تاياۋدا عانا ۋكرايناعا جۇمىس ساپارىمەن بارعانىن، بۇل ەلدە جاۋاپسىز ساياساتكەرلەردىڭ كىناسىنەن تۇراقتىلىق بۇزىلعانىن باسا ايتتى.

«بىزدەر، قازاقستاندىقتار ءۇشىن بۇل - ۇلكەن تاڭداۋ. تەك كەلىسىم، تۇراقتىلىق جاعدايىندا عانا ءبىز قازىرگى جەتىستىكتەرگە قول جەتكىزدىك. ولاي بولسا، ونى ساقتاي بىلەيىك. ءاربىر قازاقستاندىققا: ەگەر مۇنى شايقالتۋعا ءارى بۇزۋعا تىرىساتىندار بولسا، وندا ءبىز ولارعا قازاقستاندىق قوعامنىڭ بارشا قۋاتىن اۋدارۋىمىز قاجەت. ياعني، باستاپقىدا ەكونوميكا، ال ودان كەيىن ساياسات ۇستانىمى وسى ۋاقىت بويى جۇمىس ىستەپ كەلدى، ىستەي دە بەرەتىن بولادى. كەلىسىم بولماعان جەردە بولاشاق جوق»، - دەدى ەلباسى.

اۆتور: مارلان جيەمباي