ن. نازاربايەۆ: اندا- ساندا تابانعا تاس باتپاسا، داڭعىل جولدىڭ قادىرى دە بىلىنبەيدى

استانا. قازاقپارات - قازىرگى قيىنشىلىقتى تابانعا باتقان كىشكەنتاي قيىرشىق تاستار دەپ باعالايىق. بۇل تۋرالى بۇگىن استاناداعى تاۋەلسىزدىك سارايىندا وتكەن يندۋستريالاندىرۋ كۇنى اياسىنداعى جيىن بارىسىندا ەلباسى نۇرسۇلتان نازاربايەۆ ايتتى.

«قۇرمەتتى وتانداستارىم! تۇراقتى دامۋ دەگەن بىزگە جوعارىدان بىرەۋ سالىپ بەرگەن بۇدىرسىز داڭعىل جول ەمەس. ەشكىمنىڭ بىزگە سىيلىعى ەمەس. ءارتۇرلى كەدەرگىلەر مەن قيىندىقتار كەزدەسىپ وتىرۋى زاڭدىلىق. ءومىر سولاي. ءومىر وڭاي ەمەس. ءومىر - كۇرەس. ءومىر - باسەكە. ءار ادامعا، ءار ەلگە، ءار مەملەكەتكە جەڭىسكە جەتۋ ءۇشىن سول كۇرەستەردە جەڭۋ قاجەت. تەك قانا جاقسىعا كەنەلىپ ۇيرەنگەن جان ول جاقسىلىقتى باعالامايدى. اندا- ساندا تابانعا تاس باتپاسا، داڭعىل جولدىڭ قادىرى دە بىلىنبەيدى. سوندىقتان دا قازىرگى قيىنشىلىقتى سول تابانعا باتقان كىشكەنتاي قيىرشىق تاستار دەپ باعالايىق» ، - دەدى ن. نازاربايەۆ.

وسى رەتتە ەلباسى ەڭ باستىسى بىرلىگىمىزگە بەكەم بولىپ، تاتۋلىقتى تۋ ەتە ءبىلۋ كەرەكتىگىن باسا ايتتى.

«ءاربىر ادام تۇراقتىلىقتان اينىماي، قوعامدىق كەلىسىمدى تۇعىر ەتە بىلەيىك. ەل بىرلىگى ەشقاشان قۇنى تۇسپەيتىن، جىل وتكەن سايىن ماڭىزى ارتىپ، ءمانى تولا تۇسەتىن شەكسىز بايلىق بولىپ سانالادى. سول بايلىقتى كوركەيتە بەرەيىك» ، - دەدى ق ر پرەزيدەنتى.

  اۆتور: مارلان جيەمباي