شىمكەنتتە بەلگيالىق تەحنولوگيامەن كىلەمدەر شىعارىلادى

استانا. قازاقپارات - شىمكەنتتە بەلگيالىق تەحنولوگيامەن جابدىقتالعان ەكىنشى كىلەم زاۋىتى ىسكە قوسىلدى.

 بۇگىن «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپى ۇلتتىق تەلەكوپىر شاراسى بارىسىندا ق ر پرەزيدەنتى نۇرسۇلتان نازاربايەۆ اتالعان نىساننىڭ ىسكە قوسىلۋىنا رۇقسات بەردى.

 «اسا قۇرمەتتى نۇرسۇلتان ءابىش ۇلى! مەن اياتوللا ايىمبەتوۆ، «وڭتۇستىك» ارنايى ەكونوميكالىق ايماعىندا 2 ميلليارد تەڭگەگە جۋىق ينۆەستيتسيا سالىپ، جاڭا كىلەم فابريكاسىنىڭ قۇرىلىسىن اياقتادىم. كاسىپورىن بەلگيا تەحنولوگياسىمەن جابدىقتالعان. «نازار تەكستيل» - بۇل وبلىستا ەكىنشى كىلەم فابريكاسى جانە ەكونوميكالىق ايماقتا ىسكە قوسىلعان سەگىزىنشى جوبا. شەتەلدىك ينۆەستورلاردىڭ دا قاتىسۋىمەن قۇنى 500 ميلليون دوللاردان استام 6 جاڭا جوبانىڭ قۇرىلىسى جۇرگىزىلۋدە. بۇگىندە وڭتۇستىكتە توقىما كلاستەرى قالىپتاسىپ وتىر. قۇرمەتتى ەلباسى، وڭتۇستىك ارنايى ەكونوميكالىق ايماق ءۇشىن ينۆەستورلار اتىنان ۇلكەن العىسىمىزدى بىلدىرەمىز! جانە وزىڭىزدەن ءوندىرىستى باستاۋعا رۇقسات سۇرايمىن»، - دەدى ت و و «نازار تەكستيل» ج ش س- ءنىڭ ديرەكتورى اياتوللا ايىمبەتوۆ.

«اياتوللا، سەن جاقسى ءوندىرىستى ىسكە قوسىپسىڭ. مەن جازدا بارعانىمدا ءبىرىنشى كىلەم زاۋىتىن كورگەن بولاتىنمىن. وسىنداي كەرەمەت كىلەمدەردىڭ شىمكەنتتەن شىعاتىنىن قازاقستاندىقتاردىڭ ءبارى بىلە مە ەكەن، بىلمەي مە ەكەن؟ وتە قاجەت جانە سول جەردەگى ماقتانى پايدالانۋعا مۇمكىندىك بەرەدى. بارلىقتارىڭىزعا راحمەت. كاسىپورىندى ىسكە قوسىڭىزدار!»، - دەدى ن. نازاربايەۆ.

 اۆتور: مارلان جيەمباي